GIHABALAN SA NUKOS
Gihabalan ang dila sa babaye sa hilaw nga nukos, matod sa usa ka medical report.
Ang dila sa 63 anyos nga babaye adunay “sperm” human nikaon siya og wa maluto nga nukos diin wa kuhaa niini ang ginhawaan, nagkanayon ang mga researcher.
Sa taho sa Mirror News nagkanayon nga dihang ang mga doktor nisusi sa babaye, ilang nadiskubrehan nga adunay 12 ka gagmay nga “white spindle-shaped, bug-like sperm bags”
nga anaa sa iyang dila ug lagos.
Kini nga butang natumbok nga “squid spermatophores” nga iyaha sa Japanese flying nga nukos nga naila nga Todarodes pacificus.
Ang babaye napakyas sa pagkuha sa ginhawaan sa nukos ug naproblema siya nga kay wa gani niya mabutangi og init nga tubig una niya gikaon.
Niini, ang spermatophores nagpabilin nga buhi pa. Gituohan kini nga nangita og humok nga lugar aron sila makasud dihang anaa kini sa dila ug lagos.
Ang babaye nga gikan sa South Korea nagkinahanglan og dinalian nga medical assistance human ang sperm naa sa iyang baba, matod sa taho sa Journal of Parasitology.
Nagkanayon ang mga researcher nga samtang diha kini sa babaye sa babaye, nabantayan niya nga daw sa daghang “bugs” ang mipaak sa iyang oral mucosa.
Nakasinati siya og sakit ug lahi ang iyang pamati dihang wa pa niya mausap kini, dugang sa mga researcher.
Ang mga researcher mipadayag nga di sila seguro kon giunsa sa spermatophores nga nakasud sila sa baba sa babaye.
Nagtumbok ang Pathology International, nga ang 21 anyos nga Haponesa nakasinati og kahapdos human mikaon sa “sexual organs” sa hilaw nga nukos.
“The right fourth arm of a mature male Todarodes pacificus serves as the genital organ of the animal. Using this arm, the squid grabs the sperm bag that comes out from its penis and presses it against a female’s body,” nagkanayon ang report sa mga researcher. /