Kalambuan sa Naga malantaw
Madayon na ang gilaumang kalambuan sa Syudad sa Naga karong nidesisyon na si Gob. Junjun Davide nga ibaligya ngadto sa Syudad sa Naga ang kontrobersyal nga lote nga ang kanhi Balili Beach Resort.
Nagplano man gud ang Syudad sa Naga makatukod og mga proyekto nga makadani og mga investor diha sa maong lugar. Tinguha kini nga mapalambo ang habagatang bahin sa syudad.
Sa amihanang dapit sa Naga, plano sa syudad mao ang usa dakong reclamation project.
Manghinaot ka nga ang atong mga reporter mo-follow up kon unsay mga kongkreto nga plano sa mga Chiong diha sa Balili.
Ang ako lang heneral nga nabal-an kay gi-develop sulod na sa pipila ka tuig ang plaza atubangan sa simbahan ngadto sa usa ka sentro alang sa sports ug mga serbisyo sa kagamhanan.
Sunod nga direksyon mao ang sentro nga pang-industriya ug komersyal.
Bisan pa man, mahibulong ko nga dunay mga sektor nga supak sa maong kalambuan.
Di ko makasabot nganong dunay buot gihapong magamit ang maong kontrobersyal nga lote alang sa propaganda kabahin sa pagpalit niini. Pila pa man diay kay piliay usa pa maka-move on kita padung sa kalambuan.
Alang kanako, kining desisyon ni Gob. Davide usa ka dakong lakang nga positibo ug mahimong ehemplo sa kalampusan unya sa gobernador.
BRT
Bisan pa man nga uyon ang mayorya sa mga Sugboanon niining proyekto nga Bus Rapid Transit (BRT), wa moundang ang oposisyon niini.
Ug karon, naabot na ang maong kontrobersya diha sa Kongreso.
Samtang dunay kongresista nikuwestyon nganong ang Department of Transportation kun DOTr gustong undangon ang BRT sa Sugbo ug sa Manila, duna say laing kongresista nga niingon nga ipabalhin ang budget sa BRT Cebu ngadto sa kaulohan.
Maayo na lang kay duna kitay mga abtik nga kongresista sa Syudad sa Sugbo.
Sa amihanang dapit sa Naga, plano sa syudad mao ang usa dakong reclamation project."