USC, UC motarget sa ikaduhang kadaugan sa Cesafi pre-games
Mga duwa karon
2:00 pm- USC vs. USJR (jrs) 3:30 pm- USC vs. USJ-R (srs) 5:00 pm- UC vs. CITU (srs)
Punteryahon sa University of San Carlos (USC) Warriors ug University of Cebu (UC) Webmasters ang ikaduha nilang sunodsunod nga kadaugan sa ilang pagpakigbatok og lainlaing kontra karong hapon sa pagpadayon sa Cebu Schools Athletics Foundation Inc. (CESAFI) Pre-Season basketball tournament college division sa Cebu Coliseum.
Ang Warriors daw mobangga og lig-ong bungbong sa ilang pagpakigparang sa University of San Jose Recoletos (USJ-R) Jaguars sa ikaduhang duwa.
Mosunod ang pagpakigbatok sa Webmasters sa Cebu Institute of Technology University (CITU) Wildcats sa main game.
Ang Warriors nabunyagan og dakong kadaugan batok sa Wildcats, 81-71, niadtong Sabado sa pagsugod sa torneyo.
Kon yanong nadaog sa Warriors ang premiro nilang tahas, gilaumang mosubay sila og saktong kompetisyon batok sa Jaguars, nga karon pa mopakita og aksyon.
Sa ilang bahin, ang Webmasters nabunyagan sab og dakong kadaugan batok sa Southwestern University (SWU) Phinma Cobras niadtong Dominggo.
Ang Webmasters mosulod sa korte karon nga dakong inilog batok sa Wildcats.
Sa laing bahin, angkunon og suway sa USC Baby Warriors ang sayong liderato sa high school division sa ilang pagpakigharong sa USJ-R baby Jaguars sa premirong duwa sugod sa alas 2:00 ang takna sa hapon.
Ang Baby Warriors mingbuntog sa CITU Wildkittens sa premiro nilang duwa.
Mao kini ang labing unang tahas sa Baby Jaguars./ESL