MGA TAMBAY DAKPON NA SA PULIS?

Gipanalipdan ni PNP Chief Director General Oscar Albayalde ang iyang mando nga hipuson ang mga tawo nga mag estambay sa kabarangayan panahon sa kagabhion sanglit mahimo kining peligro sa ilang kinabuhi ug hugot niya kining ipatuman lukop nasud.

Iyang gipasabot nga ang paghipos sa mga estambay sa mga eskina wala kini makalapas sa tawhanong katungod sanglit ila lang giproteksyonan ang kadaghanan nga namuyo sa maong lugar sa mamahimong sangpotanan kanila.

Ilabi na sa mga dapit nga daghan ang mga insidente sa patay ug adunay presensya sa illegal nga drugas angayan nga ipatuman kini ug dungan sa pahibawo nga dili na mo estambay sa maong mga lugar paglikay sa posibling dautang mahitabo kanila.

“This is for their safety also. Baka mamaya mapagkamalan yan sa mga critical na lugar naka standby ka may dumaan na pulis, mamaya mapagkamalan ka dyan dahil alam ng pulis na ang lugar na yan ay napakadelikado,” matod Albayalde.

Iyang gimandoan ang tanang chief of police lukop nasud nga ipatuman ang mga lokal nga ordinansa sama sa bagransya.

Ang ordinansa nagsentro niadtong mga tawo nga magsuroy-suroy panahon sa kagabhion ug mahimo sila nga dakpon ug pamultahon.

Ipadayon usab niya ang shame campaign sa mga police nga nakahimo'g salaod bisan sa mga pagsaway sa human rights groups .

Iya nang gidili ang pag presentar sa media sa mga suspek sa krimen.