Personal income tax mobalik kon Train wagtangon: opisyal

Personal income tax sa nagkadaiyang mga trabahante sa nasod mahibalik kon Train Law ibasura.

Mao kini ang pamahayag sa usa ka opisyal sa Department of Finance nga nibisita sa Sugbo aron mopasabot sa kaayohan nga dalit sa maong tax reform sa nasod.

Matod ni Arnelyn “Mitch” Abdon, Director IV sa Strategy, Economics, and Research Group sa DOF nga tungod kay usa sa nakapahimulos sa Train law kining mga wage earners, mobalik usab kanila ang income tax nga gitangtang kon ugaling mabasura ang Train.

Subay na usab kini sa nagkadaiyang kampanya o signature campaign sa nagkadaiyang organisasyon sa nasod lakip na sa Sugbo nga ibasura kini.

Dugang ni Abdon nga gipasanginlan ang Train nga mao’y rason sa pagsaka sa kasagarang presyo sa nasod, apan nipasabot siya nga ang nagkakunhod nga balor sa peso ang nag-unang rason sa pagmahal sa palaliton. Tungod kay ang nasod di man

oil producing country ug nag-import man kini sa lana, mao nga niabot na sa P12 ang pagsaka sa diesel sukad Mayo sa nakalabzy nga tuig hangtod sa kasamtangan.

“Train has been blamed for all that is happening in the country which we think is a little bit unfair. Tax reform is really something that the country needs, so that we can move forward faster, our economy has been growing very well, 5% to 6% growth,” pasabot ni Abdon.

Pasabot ni Abdon nga tungod kay daghang proyekto ang gusto nga mapatuman sa nasod sa sunod nga 20 ka tuig, dako og tabang ang Train aron aduna’y budget nga magamit.

Tungod kay kon wa pa ang train, magkadako ang utang sa nasod aron maimplementar ang mga proyekto sa nasod hilabi na ang build, build, build, project sa administrasyong Duterte.

Gihangop hinuon nila ang mga lakang sa nagkadaiyang organisasyon pinaagi sa signature campaign nga ibasura ang Train ug nihulagway kini nga katungod kini nila, “We encourage to be more active in policy making, its very welcome.”