7 BEACH RESORTS SA CV GI-MONITOR

Gawas sa nag-unang prayoridad sa Department of Environment and Natural Resources (DENR) 7 nga beach destinations sa Sugbo ug sa Bohol, aduna’y laing lima ang gi-monitor sa maong ahensiya aron masiguro nga luwas kini sa publiko.

Gibutyag ni DENR 7 regional director Gilbert Gonzales nga gawas kini sa ilang top priorities nga beach sa Panglao sa Bohol ug isla sa Mactan sa Sugbo.

Dugang niini nga nalakip sa ilang gi-monitor karon ang Moalboal, Oslob, isla sa Camotes ug Bantayan sa Sugbo ug sa Anda sa Bohol. “Pinaka-priority namin nga-

yon is yung mga tourist destination areas,” matod ni Gonzales. Gawas sa pagsiguro nga dili taas ang fecal coliform sa kadagatan sa maong mga ilado nga maanindot ang dagat, nag-inventory na usab sila sa solid waste ug sa foreshore areas niini.

“This was the focus of the monitoring conducted by the EMB (Environmental Management Bureau) in which we were verifying yung mga system nila in managing the sewage, solid waste, and we also conducted inventory in these areas, who are occuppying foreshore areas, illegal

structures,” dugang niya. Gibutyag usab ni Gonzales nga plano nila nga sa dili pa matapos ang tuig, aduna na sila'y lig-on nga resulta aron matubag ang mga nag-unang isyu sa mga beach destinations.

Subay sa gihimo sa kagamhanan sa dakbayan sa LapuLapu diin ilahang gipatuman karon ang 3-meter easement zones sa mga coastal areas pinaagi sa pag-demolish sa illegal structures, lakip sa plano sa DENR 7 nga mapatuman usab kini sa mga dapit diin prayoridad nila ang beach destination.

/ SUNSTAR FILE FOTO ■ ALONA BEACH: Usa sa mga sikat nga destinasyon ang isla sa Panglao, Bohol diin nanaglaray ang daghang beach resorts. Usahay tawgon kini sa uban nga 'Little Boracay' tungod sa kaalegre sa maong dapit sa mga bakasyonista ug daghang mga langyaw.