Organic farming angay hatagan og pagtagad: Leoncio Evasco

Ang Cebu Organic Agriculture Cooperative (COAC), sa tabang ni Cabinet Secretary Leoncio Evasco Jr. niawhag sa gobyerno sa pagpalambo sa organic agriculture.

Dako og matabang ang pagpalig-on sa pipila ka mga amendments sa R.A. 10068 o ang Organic Agriculture Ordinances ngadto sa lalawigan sa Sugbo.

Mibutyag si Evasco nga kinahanglang hatagan og dakaong pagtagad ang organic farming sa paglikay sa mga sakit nga makuha gikan sa mga processed food.

Gipaningkamotan usab niya ug sa mga miyembro sa COSAP nga maawhag ang gobyerno nga makighi-usa kanila.

“Government is convinced but organic agriculture production should be pursued by the government and should be promoted by the government,” saysay ni Evasco.

Daghan na ang mga tawo nga nagbansaybansay sa organic farming sama ni Jane Macasero sa Living Fields, usa ka agricultural enterprise sa lungsod sa Barili.

Aduna siyay lain-laing klase sa mga utanon nga pulos organic. Di siya uyon sa paggamit ug mga fertilizer o pesticide tungod sa mga makadaot nga epekto niini sa lawas ug sa kalikopan.

Si Dinah Craven sa Hat Lady Farm, usa ka organic farm sa Bario Guba, Cebu City nahibawo sa dakong kaayo nga mahatag sa organic farming.

Sa iyang farm, nagbuhi siya og mga hayop sama sa mga baboy ug mga manok nga mangitlog. Aduna usab siyay tanom nga mga utanon.

“I’ve heard so much rumor nga ang mga vegetables sa atoa are laden with pesticides and I know for a fact as a nurse, it is not very good for our health. Labi na karon nga it gets associated to cancer, diabetes, and all that,” matod ni Craven.