PANGLIMBASOG NGA MAHAW-AS

Dili babag ang kakabos sa pagkab-ot aron makahaw-as sa kalisod ug makatabang sa pamilya.

Nagdako si Anjie Bahay, 30, lumad nga taga lungsod sa San Isidro, Leyte nga wa sa iyang inahan sanglit si Jelita nga usa ka single mother nanarbaho isip katabang kaniadto sa Barangay Pagsabungan, dakbayan sa Mandaue. Ni-graduate siya sa elementary sa Barangay Busay sa San Isidro ug nibalhin sa Sugbo dihang nitikang na siya sa high school.

Apan wa na sila nagdugay sa gialagaran sa iyang inahan kay nangigi ang inahan sa amo.

Nibalhin siya og eskwela sa Lahug Night High School sanglit duol ra usab kini sa barangay Busay.

Nasagmuyo si Bahay sanglit wa na siya ma-honor student dihang ni-graduate niadtong 2005 kay lage transferee.

Gumikan sa kalisod, wala na siya nakapadayon pag-eskwela sa college mao nga nitrabaho siya sa sikat nga litsonan og manok sa Barangay Mabolo nga nilanat og kapin usa ka tuig.

Niundang siya sanglit giselosan siya sa uyab sa iyang supervisor.

Human niadto, nitrabaho siya isip promo-girl ug nitrabaho sa Ayala Center.

Adunay higayon nga ibalGiantos hin sila sa SM City Cebu apan sa hinayhinay nagtigom siya para maka-eskwela.

“Everytime makakita ko og estudyante hilabi na sa USJ-R masuya kaayo ko ug nakaingon kos akong kaugalingon “how I wish nga maka-eskwela sab ko og college,” paghinumdom ni Anjie.

CUM LAUDE

Nagpa-enroll si Bahay sa Cebu Technological University (CTU) sa kursong Bachelor of Science in Information and Computer Technology human siya nakadesisyon nga magpatabang og gasto sa ekswelahan sa iyang suod nga higala, kinsa nakabana og langyaw bugti sa iyang pagtabang sa bulohaton sulod sa panimalay.

Apan wa siya nagdugay sa pagka housemaid sanglit ni-apply siya isip student assistant sa Guidance Office human nasuta nga tag-as ang iyang grado.

Sukad niadto wala na siyay bayad sa eskwelahan diin siya mo-duty gikan alas 8 sa buntag hangtod alas 4 sa hapon.

Pag-abot sa alas 4:30, magsugod ang iyang klase hangtod alas 9:30 sa gabii hangtod siya ni-graduate.

Si Bahay nagpasalamat usab sa iyang kuya nga si Loyd Pil kinsa nagtrabaho sa South Korea nga maoy nitabang kaniya paghatag og allowance hangtod siya nilampos sa pagtuon diin iya kining gisuklian og tag-as nga grado.

ni Anjie ang kalisod, kakapoy ug ubang matang sa pagsuway sa iyang kinabuhi para lang molampos.

Bunga sa iyang paningkamot ni-graduate siya with latin honor isip Cum Laude.

Usa ka semester sa wala pa siya ni-graduate niadtong 2012, gitanyagan na siya og teaching

load ni Jose Maria Garcia kinsa maoy pangulo sa Department of ICT sa CTU main campus.

Nilanat og tulo ka tuig ang iyang pagtudlo isip part timer ug niadtong 2016, gihimo siyang head sa Human Resource sa CTU-Bonbon ug in-charge sa Management Information System sa maong tunghaan.

Niadtong 2017, gihatagan siya og laing gasa sa Ginuo, nahimo siyang scholar sa Commission on Higher Education (CHED) diin siya kasamtangang nagtungha sa USJR sa kursong Master of Information Technology.

Si Bahay nagpasalamat Kahitas-an, sa iyang pamilya ug mga higala nga nitabang kaniya aron makab-ot ang iyang pangandoy aron ugma damlag iyang mahaw-as ang iyang pamilya gikan sa kalisod. /

/ TAMPO NGA HULAGWAY ■ WA MAGPAANOD: Kabos man tuod sila, apan si Anjie Bahay mipursige sa pagtungha bisan sa mga babag nga iyang naagian. Tuod man, nilampos siya sa kolehiyo nga duna pay pasidungog tungod sa maayo niyang perfomance sa klase. Kon duna kay determinasyon,...

TAMPO NGA HULAGWAY / ■ NAMUNGA: Kay mipursige man siya bisan sa mga kalisdanan nga iyang naagian, ni-graduate siya sa college human sa katuigan nga panglimbasog. Karon, hinayhinay na siyang miani sa mga bunga sa iyang paningkamot.