George gi-agni ni Mitchell

Gibutyag sa impresibong rookie sa National Basketball Association (NBA) nga si Donovan Mitchell nga iyang gihaylo si All-Star forward Paul George nga mobiya sa Oklahoma City Thunder aron makig-uban kaniya sa Utah Jazz sa umaabot nga season sa NBA.

Ang kandidato sa 2017-18 NBA Rookie of the Year award mibutyag niini sa miaging adlaw atol sa iyang pagbisita sa Pilipinas alang sa Adidas tour sa Manila.

“I made mine with Paul George right now,” matod sa 21 anyos nga magduduwa nga napatik sa Spin.ph.

Si George mahimo nang free agent inig tiklop ning buwana human siya mitapon sa Thun- der gikan sa Indiana Pacers sa miaging season.

Adunay mga hugonhugon nga si George, kinsa lumad nga taga Los Angeles, posibleng mobalhin sa LA Lakers.

Apan nanghinaot si Mitchell nga iyang mahaylo si George nga makig-uban kaniya sa Jazz.

Alang kang Mitchell, aduna na’y igong mga piyesa ang Jazz ug kon ilaha pang makuha si George, labing seguro mahimo silang usa ka lig-ong contender alang sa kampiyunato.

“I told him basically, we want to win. We are not selfish. I’m not the type of guy whose gonna say it’s my team. I’m a second-year player, he is an All-Star. He comes in and it will make life a lot easier offensively. He is a great defender. We have guys who want to play with him,” dugang ni Mitchell.

“We have the talent. We have a great crowd. We have solid, beautiful place. Our coach is probably the Coach of the Year. We have a Defensive Player of the Year. We have a bunch of guys who work hard and put the work in.”

Alang kang Mitchell mahimo sab silang super team sama sa Golden State Warriors kon molampos siya paghaylo kang George.

"That’s just how it is. That’s how you have to do it. I don’t think it’s not necessarily a bad thing. It’s I think what needs to be done.”