Kusog ni Pacquiao nagkaminos na: Diaz

Miinsister si Joel Diaz, trainer ni World Boxing Association (WBA) welterweight champion Argentinian Lucas Matthysse, nga minos na ang kusog ni Filipino boxing icon Manny Pacquiao dili sama kaniadto.

Gumikan niini, nagkanayon si Diaz nga dili magpanagana sa pagsuway og knockout sa Pambansang Kamao sa Pilipinas sa ilang panagharong karong Hulyo 15 sa kuala Lumpur, Malaysia.

Hinuon giangkon ni Diaz nga ang agresibong estilo ni Pacquiao makahatag og kuyaw alang kang Matthysse.

Si Diaz nasuweto na sa estilo ni Pacquiao gumikan kay siya maoy nag-train kang Timothy Bradley sulod sa duha ka mga higayon nga pagpakig-away niini batok sa fighting senator sa Pilipinas kaniadto.

“I think if Lucas follows the plan the way we are working on and catches Pacquiao in an exchange, we will hurt him,” matod ni Diaz.

Si Matthysse usa ka lehitimong knockout puncher ug makapamatuod ang iyang 394, 36KOs nga rekord.

Gipasabot ni Diaz nga kinahanglang atakihon kanunay ni Matthysse ang kanhi 8-division world champion aron modako ang poruhan niini sa kadaugan.

“Going the distance with Manny, we’re not going to win. So we’re going for all the marbles. We have to go for the knockout,” dugang ni Diaz. Kon kusog ang hisgutan, nagtuo si Diaz nga nakapabor og dako ang iyang batos ug mao kini ang angayan nilang pahimuslan.

“When was the last time that he knocked out someone

out? It’s been a while,” dugang ni Diaz kabahin kang Pacquiao.

Katapusang nakaposte og knockout si Pacquiao niadto pang 2009 diin iyang napaundang sa 12th round si Puerto Rican Miguel Cotto.

Si Pacquiao adunay 59-7-2, 38KOs nga rekord.