BACARISAS MITAHAN
Nitahan sa iyang kaugalingon ang konsehal sa Barangay Babag, Cebu City ngadto sa chairman sa committee on public order and safety sa konseho duha ka adlaw human sa iyang pagpusil ngadto sa iyang kaliwat kinsa mangihaway og baboy.
Si barangay kagawad Renante Bacarisas ni-surrender ngadto kang Konsehal Dave Tumulak kinsa maoy gitahasan ni Mayor Tomas Osmeña pagpangita sa ilang pangulo sa Barangay Mayor’s Office sa Babag.
Una niini, si Osmeña nipasangil kang Barangay Kapitan Cesar Dolorito nga maoy nitago kang Bacarisas aron dili madakpan gumikan sa iyang pagpusil kang Jojo Ibona kinsa nakaangkon og samad pinusilan apan luwas na ang kahimtang.
Si Tumulak nagkanayon nga nangita siya og paagi aron iyang makontak si Bacarisas aron hangyuon sa pagtahan sa iyang kaugalingon diin una niyang giduol si Dolorito ug ang mga barangay opisyal sa kanait nga barangay sa Babag.
Tuod man, nakuka siya og number ni Bacarisas kinsa maoy number one councilor sa Babag ug gihulagway sa mga silingan nga maayong tawo apan wala na makaa- gwanta ug napuno na gumikan sa ilang panagbingkil sa iya ra usab nga kaliwat nga si Ibona.
“Ni-text ko (ni Bacarisas) ug nitawag siya nako. Gikan siya sa Ozamis City nisakay siya ganina sa Barko sa MV Maasin kay nakakita man gyud ko niya kay ako siyang giatngan didto sa pantalan” Paghulagway ni Tumulak kinsa maoy personal nga nibagat sa suspect aron dad-on didto sa iyang opisina sa City Hall.
Si Bacarisas sa iyang bahin niangkon sa salaod ug andam niyang tubagon kon adunay may sumbong nga ipasaka batok kaniya sanglit mao kini ang proseso sa balaod.
“Plano na gyud ni nako ang pag-surrender kay kahibawo man ko nga nakalapas ko sa balaod apan wala wala diha dayon kay nagpabugnaw pata gamay sa atong ulo.” Batbat ni Bacarisas kasang pusas diha sa iyang pulso gitabonan og panapton aron di maklaro.
Human didto sa buhatan ni Tumulak, si Bacarisas giturn-over ngadto sa kapulisan
para sa dugang imbestigasyon.