Diin gikan ang iyang kwarta?

Daghang mga kapolisan ang naguol sa dihang mibisita si PNP Chief Oscar Albayalde sa Bohol kaniadtong miaging semana.

Tiaw bay naila na si Albayalde nga labihan ka istrikto og daghan na og napalagpot nga mga kapolisan nga nasakpan nga natulog “while on duty.”

Matod pa sa usa ka polis “maayo na lang, Sir, nga hapon na miabot si Chief. Og nasayo pa to og abot, hayan mosuroy to og dali-dali sa mga stations diri, sus, unsa kahay mahitabo og dunay dili ka-preparar.”

Matod pa sa balita, mideretso og bisita si Chief Albayalde sa Camp Dagohoy sa Tagbilaran City aron makigkita og makighinabi sa PNP Chief sa Bohol nga si Sr. Supt. Angeles Geñorga Jr.

Kauban nga mihimamat ni Albayalde ang mga hepe sa kapolisan sa Bohol.

Dugang pa sa balita, didto sa Amorita Beach Resort sa Panglao natulog si Chief Albayalde, kauban sa iyang pamilya.

Nakigkita sab si Albayalde ni Acting Governor Atty. Dionisio Balite pagka-sunod adlaw didto sa Bohol Bee Farm.

Hangtod niining adlawa, wala mohimo og kalit nga pagbisita si Chief Albayalde sa mga lain-laing police stations sa kalungsoran sa Bohol.

Mao kini hinungdan nga nakaginhawa og luag ang kapolisan.

Pait alang sa masakpan, apan himaya sa katawhan, ang gihimo ni Chief Albayalde.

Tungod niining iyang gihimo, segurado nga mamenos-menosan na ang abuso sa kapulisan kay naila na (Ang kinatibuk-ang lindog ni Atty. Diputado mabasa sa http://www.sunstar.com.ph/ article/1748730/Superbalita-Cebu/Opinyon/ Diputado-Dis-a-gikan-ang-iyang-mga-kwarta siya sa iyang pagka-istrikto.

Gani, matod pa ni PRRD, kining iyang pagka-istrikto mao ang usa sa mga hinungdan nga siya ang gipuli ni kanhi PNP Chief Ronald “Bato” dela Rosa.

Daghan si PRRD nga gihisgotan nga mga ngalan apan si Albayalde lang ang nakapasar tungod sa iyang pagka-istrikto.

Karon nga siya na ang namunoan sa PNP, mahibaw-an nato og makahimo ba si Albayalde sa pagtarong sa mga hiwi sa kapolisan sa tibuok nasod.

Dunay usa ka opisyal sa Kapitolyo nga busy kaayo karong mga panahona.

Busy siya og pamalit og mga yuta. Matod pa, namalit kining maong opisyal og dili momenos sa 100 ka ektaryang yuta.

Daghang mga pangutana ang naglimin sa maong kalihokan, apan mao kini ang pinaka-importante.

Ang pangutana mao kini – diin man gikan ang kwarta nga gigamit sa maong opisyal sa pagpalit sa mga kayutaan nga sumala sa records? Dili man molapas sa P60,000 ang iyang sweldo matag bulan ug wala pod siya magnegosyo?

Gani, dako ang kalibog sa katawhan kay duha ka mga babaye ang iyang regular nga gisuportahan sa tag P60,000 matag bulan.

Una, ang iyang asawa. Ikaduha, ang iyang kabit. Asa man kaha magkuha og pang-suporta kining maong opisyal?

Daghan og mga katingad-an nga mga kalihokan ang maong opisyal.

Dihay anak sa usa ka abogado nga paingon na dakpon sa kapolisan panahon sa usa ka buy-bust operation sa usa ka resort-hotel.