Samdang bata wa gitabang?

Dear Atty. Joan,

Ako si Uma, inahan ni Bibi. Dako kaayu akong pagkaguol pagkita nako sa akong anak nga niuli sa amo nga duguan. Akoa siyang gidali-dali ug hatod sa barangay clinic para matambalan. Sa dihang ok na siya, ako siya gipangutana.

Uma: “Anak, naunsa man ka? Nganung puno man ka ug dugo?

Bibi: “Nadagma ko ma sa padpadulong nako uli.”

Uma: “Gi-unsa man pagkahitaboa?”

Bibi: “Kay naki-agi nalang man ko sa dalan. Naa man dako sakyanan ni-agi nya nilikay ko, pero nadagma ko kay naslide ko sa sidewalk.”

Uma: “Nganung sa dalan man sad ka niagi?

Bibi: “Ang sidewalk nato diri kay napuno naman ug mga tindahan, uban gamiton pod parkinganan mao na niagi nalang sa ko sa dalan.

Uma: “wala juy nakatabang nimo?”

Bibi: “Daghan taw nakakita nako pero wa jud ko tabangi.”

Naguol ug nasuko ako sa akong pagkahibalo nga wala gyud tabangi akong anak sa mga nakakita niya. Maski paghatag ug trapo o pag-am-am. Anaa man usab unta silay ob- ligasyon mutabang sa akong anak diba?

Uma

Dear Uma,

Anaa gayud obligasyo bisan kinsa nga tawo sa pagtabang sa taw nga kung kinsa naangol o narisgo ang kinabuhi. Mahitungod sa bata, anaa gayuy balad nagasaysay ana.

Ang Republic Act 7610 naga-saysay unsa ang Child Abuse. Labot ani kay ang pagpakyas sa paghatag ug dali nga medikal nga pagtabang sa naangol nga bata, ilabi na kung kini nakapa-risgo o naka-hulga sa kinabuhi o pagdako nga hamtong sa bata.

Busa, ang katong mga nakakita sa imong anak, nitabang gayud unta. Dili kinahanglan nga anaay balaon kay maski ang konsensya mutawag na unta sa pagtabang. Pero kini nga obligayon gisuwat na sa balaon nga nagapa-undak sa obligasyon sa pagtabang.

Angay usab masayod ang mga taw nga ang pagdili pagtabang ug paghatag ug dali nga medikal treatment sa bata kay pwede nga makapriso o makabayad ug pyansa.

Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga detalye. Kon adunay pa kamoy mga pangutana nga adunay kalabutan sa katungod sa mga bata, mahimo kamong mokontak sa hotline 0908-896-0355.