COBRAS GIPISAT SA UV LANCERS

Mga duwa karon 1:00 pm- USC batok UC ( jrs) 2:30 pm- USC batok UC (srs) 4:00 pm- USJ-R batok CITU (srs) Gihimong praktisanan sa University of the Visayas (UV) Green Lancers ang ilaha kanhing higpit nga karibal nga Southwestern Uni- versity (SWU) Cobras, 87-79, kagahapon sa Cebu Schools Athletic Foundation Inc. (CESAFI) 2018 Partner’s Cup sa Cebu Coliseum.

Sa kadaugan, ang Green Lancers ni coach Gary Cortes mingsaka sa 3-0 nga rekord ug nakakuha kini’g bahin sa liderato kauban ang University of Cebu (UC) Webmasters.

Ang Cobras, nga gikan sa 80-73 nga kadaugan batok sa University of San Carlos (USC) Warriors, natagak sa 1-3 nga baraha.

Pagsugod pa lang, gikontrolar na sa Green Lancers ang kombati ug nakaposte sila’g 40-27 nga labaw sa halftime.

Padayon ang kainit sa Green Lancers hangtod nga nakapaboto og tulo ka sunodsunod nga three-point bombs si Josue Segumpan nga naghatag kanila og 73-48 nga labaw sa nahabiling 6:00 minutos.

Human niini, tatawng gidawat na sa Cobras ang ilang kapakyasan.

Dobleng himaya ang gibati sa Green Lancers gumikan kay ang ilang manghod nga Baby Green Lancers ninglampornas man sab sa Cebu Eastern College (CEC) Dragons, 91-62, sa high school division.

Ang Baby Green Lancers ningsaka sa 3-1 nga rekord samtang ang Dragons ningsukarap sa 1-3 nga baraha. Sa laing engkuwentro sa

high school division, gipangbuntog sa University of San Jose Recoletos (USJ-R) Baby Jaguars ang Cebu Institute of Technology University (CITU) Wildkittens, 89-81.

Ang Baby Jaguars miangkon sa premiro nilang daog sulod sa upat ka mga duwa samtang ang Wildkittens wala pa’y daog sulod sa tulo ka mga kombati.

Sa laing bahin, magpadayon ang aksyon sa kompetisyon karong adlawa.

Sa premirong duwa, magsangka ang USC Baby Warriors batok UC Baby Webmasters alang sa nag-inusarang duwa sa high school division.

Mosunod ang kombati sa mga maguwang sa duha ka teams nga mao ang Warriors ug Webmasters sa college division.

Sa main game, magparang ang USJ-R Jaguars ug CITU Wildcats alang sa laing sangka sa college division.

/ ARNI ACLAO ■ PALAK: Gipalakan ni Rey Suerte sa UV Green Lancers ang misuway og lusot nga si William Polican sa SWU Phinma Cobras (No. 4) ning aktuha sa usa sa mga aksyon sa CESAFI Partner’s Cup kagahapon sa Cebu Coliseum. Gipanglubong og taga liog sa Green...