CEBU CITY MAGTUKOD OG 7 KA TUNGHAAN

Sa pagpaluag sa mga eskwelahan sa dakbayan sa Sugbo, ang Cebu City Government magtukod og pito ka bagong mga tunghaan. Si Konsehal Joy Augustus Young, chairman sa committee on education, nagkanayon nga padayon nilang gitrabaho ang mga dokumento lakip na ang paghimo og program of works

and estimates kansang pundo adto kuhaon sa local school board.

Matod ni Young nga kon way mga kakulian sa ilang mga plano, ang maong mga eskwelahan mobarog na karong tuig 2020.

Unang eskwelahan nga ilang tukoron nahimutang sa Barangay San Jose nga maoy ilang gitan-aw nga makapaluag sa Talamban Elementary ug High School sanglit didto nagpundok sa pag-eskuwela ang mga tinun-an sa kasikbit nga mga barangay.

Laing nakita ni Young mao ang pagtukod og tunghaan sa Barangay Capitol Site kansang luna nahimutang sa compound sa Department of Agriculture nga naapil sa landswap tali sa Kapitolyo ug Cebu City Government.

Gipadayag ni Young nga ang mao unya nga eskwelahan ang makapaminos sa nagsugwak nga mga tinun-an sa Abellana National School (ANS), Guadalupe Elementary School ug Ramon Duterte Memorial High School.

Nagplano usab si Young nga mopabarog og tunghaan sa bakanteng lote nga nahimutang sa Barangay Suba nga gihimong playground ni kanhi Mayor Michael Rama niadtong 2015.

Naglaraw usab si Young nga mopatukod og eskwelahan sa Barangay Inayawan nga adto nila ipahimutang sa usa ka ektaryang luna sa kanhi Inayawan Sanitary Landfill.

Ang maong eskwelahan mao ang makapaminos sa mga estudyante sa Barangay Poblacion Pardo. Gihulagway sa deputy mayor

on education nga mahinungdanon ang maong mga eskwelahan gumikan usab sa junior ug senior high school. /