19 na nasikop sa Oplan Limpyo Danao City

Nasikop ang 19 ka mga tawo atol sa sunodsunod nga buy-bust operation sa upat ka mga barangay sa dakbayan sa Danao sud sa duha ka adlaw.

Moabot sa 11 ka drug pusher ug walo ka mga drug user ang nasikop sa kapulisan sa Danao City Police Station.

Ang Oplan Limpyo Danao nga gipangulohan ni P/Supt. Jaime Quiocho Jr., hepe sa Danao City Police, mihimo sa buy-bust operation sa Barangay Poblacion, Looc, Maslog, ug Taboc nga gisugdan niadtong Sabado ug nahuman kagahapon sa buntag.

Ang mga drug pusher nga nasikop mao sila si John Januario Geralde Godinez, 22; Jida Declaro Banzon, 32; Claudine Magdadaro; John Michal Roble Cuervo, 20; Jacquilline Mamites Manulat, 27; Raymond Gallo Aguillar; Rey Caputolan Mata, 42; Fe Mata Ramoneda,44; Ronnel Durano Burgos, 36; Janice Gomez Capuno, 34.

Laing usa sab ka pusher nga minor de edad ang nasikop sa operasyon.

Nadakpan usab ang mga drug user nga nilangkob nilang Raymond Sanico Mendoza, 40; Atenio Villamor Paco, 35; Milton Jule Sabayton Cando, 28; Lloyd Jules Caputol Ordigozo, 28; Marlon Batuto Osabel, 30; Ian Cascabel Bandoquillo, 33; Nestor Delicano Abanid, 26 ug Charlie Gonzales Dalogdog, 23.

Nakuha sa kapulisan ang P3,500 nga buy-bust money, P1,200 nga marked money ug ang illegal nga drugas nga motimbag og 2.04 ka gramos nga mokantidad og P146,120.

Ang mga nasikop mag-atubang sa kasong kalapasan sa Republic Act (RA) 9165 kun Dangerous Drugs Act.

Gitanggong na sila sa Danao City lock-up facility.