9 PAMAAGI SA PAGWALA SA BAHO SA TIIL

Ang atong tiil mao ang nagdala kanato gikan sa usa ka lugar ngadto sa laing lugar, mamahimo kini nga makasinati og kakapoy, kasakit, ug usahay mobaho kini. Kadaghanan siguro ang makasinati nga mobaho ang tiil apan aduna’y mga tawo nga mahadlok na nga motang-tang sa ilang sapatos. Ang medical term sa baho sa tiil mao ang “bromodosis”. Ang maayo nga balita kay aduna kasulbaran sa maong problema.

Ania’y fast fact sa mga baho og tiil Ang rason sa baho nga tiil mao ang kagaw ug singot o pagbasa sa tiil

Dili usa ka medical concern ang kabaho sa tiil, apan makaapekto kini sa relasyon sa usag-usa ug maka conscious Aduna gyuy kagaw ang tawo sa tiil, natural kini Kon ang kagaw mobuwag sa mantika ug patay nga

skin cells sa tiil, mao na ang resulta nga mobaho ang tiil.

Footwear tips

Ang medyas ug sapatos mao ang rason sa pagsingot sa tiil, nga mao ang makapagrabe sa baho sa tiil. Aduna’y pipila ka rason nga himuon ang usa ka tawo aron malikayan ang kabaho sa tiil.

1. Medyas

Ang pagsul-ob og medyas, makatabang nga mawagtang ang kabaho sa tiil. Mao man gyud ni sila ang mosuyop sa singot. Dali ra usab sila mailisdan.

2. Sapatos

Kadtong mga sapatos nga abli ug dali makaginhawa imong tiil sa singot, mamahimo kini nga malikayan ang kabaho sa imong tiil.

Ang mga sapatos nga ginama sa “plastic” susama sa “jellies” mao kini ang makatampo sa kabaho sa imong tiil.

3. Pag-ilis ug sapatos ug medyas

Hatagi og panahon ang imong sapatos nga makauga aron mawagtang ang posibilidad nga mobaho niini.

Ang pagsul-ob og lahi-lahi nga sapatos matag adlaw, makahatag sa sapatos og panahon nga mouga. Pwede usab ka magdala og extra nga medyas aron dali ra ka makailis.

4. Ilisi ang imong insoles

Aduna’y mga lapa-lapa sa sapatos o mga insole nga matangtang ra, ilisi kini aron mawala ang baho.

Laing option mao ang pagspray og disinfectant o antibacterial sa insoles. Apan mas maayo nga mauga ang insole.

Home remedies

Usa gihapon ning hygiene sa tiil aron masulbad ang kabaho sa imong tiil. Lakip niini ang paghugas sa imong tiil og antibacterial soap ug lakip niini ang isig ka kilid sa imong tudlo sa tiil.

Ania pa ang ubang home remedies:

5. I-exfoliate imong tiil

Ang paggamit og scrub o lugod, makatangtang kini sa mga patay nga skin cells nga hilid kaayo ang kagaw niini.

Himoa kini ka duha o tulo sa usa ka semana.

6. Humol sa asin

Pag-andam og init nga tubig ug ihilis ang tunga sa baso sa asin. Ihumol imong tiil niini sulod sa 10-20 minutos dayon paugha kini.

7.Humol sa suka

Susama sa asin, pag-andam og suka ug init nga tubog niya ihumol ang imong tiil sulod sa 15-20 minutos.

Apan kon aduna’y samad imong tiil ayaw kini gamita nga pamaagi.

8. Antiperspirant

Naanad ta nga ang antiperspirant i-apply ra sa ilok, apan mamahimo kini nga gamiton sa tiil aron malikayan ang pagsingot niini.

Kung gikinahanglan, duol og doktor alang sa mas strong nga antiperspirant nga angay sa imong tiil. Pwede sab ka mogamit og cornstarch. Medical treatments 9. Botox Usa ni sa gihimo sa singtanon kaayo og tiil. Ang botulinum toxin o Botox usa sa medical treatment nga available na, dili lang kini sa tiil gihimo lakip na usab sa kamot. Sakit kini ug mamahimo nga ang sessions niini molungtad og 3-4 ka buwan.