Inahan nga na-stroke naulian sa ‘Burlesque dancing’

Batan-ong inahan nga nadisable human na-stroke atol sa Pasko misaysay kon giunsa niya pag-usab ang iyang kinabuhi pinaag sa “burlesque dancing” kon magsayaw nga hubo.

Si Ann Smith-Higgs nakabalik sa paglakaw ug nahibalik ang panan-aw human giatake usa ka buwan human siya nanganak og lalake.

Matod sa taho sa metro. co.uk nga 24 anyos si Smith-Higgs ug migahin og duha ka tuig nga diha lang sa katre nunot sa grabe nga depresyon una siya nahibalik ug tumanon ang iyang damgo.

Si Smith-Higgs, nag-edad nag 38 karon, mokatkat nag building, miapil sa boxercise, moinom nag tea ug motambong na sa sesyon sa pagkat-on og panahi.

Apan ang labing dako niyang kalampusan mao ang “burlesque dancing”.

Matod niya nga nasayang ang iyang duha ka tuig sa kinabuhi apan karong higayona wa siya magdahom nga mahitabo kini.

Dako ang iyang pasalamat nga na-stroke siya kay di niya maangkon ang kalampusan karon ug nahanaw na ang iyang kahadlok.

Naperpekto ni Smith-Higgs ang iyang gimbuhaton diin iyang gisaysay ang estorya bahin sa iyang stroke sa telebisyon samtang naghubo siya nga magsayaw.

Mibarog ang tanang mga tawo dihang mipasundayag siya sa Burlesque Idol sa London Hippodrome.

Mobalik na usab siya sa pagpasundayag sa usa ka festival sa Oslo karong Agusto.

Si Smith-Higgs, kanhi nagtrabaho sa sales, giatake atol sa Pasko niadtong 2004, pipila ka semana human siya manganak kang Henry nga karong 13 na.

Gidala siyag padala sa Addenbrookes Hospital sa Cambridge diin pinaagi sa MRI scan nasuta nga siya na-stroke. /