NABUN-OG SA HOTDOG
Usa ka magdadayeg sa baseball naangol ug nabun-og human maigo siya sa hotdog nga gitira sa mascot gikan sa dako nga kanyon o“launcher” nga nipunta sa iyang nawong.
Ang magdadayeg sa Philiadelphia Phillies nga si Kathy McVay naglingkod dihang ang green nga mascot nga si Phillie Phanatic misugod na sa pagtuyok sa field sakay sa iyang hot dog launcher.
Si McVay namahayag nga daw naigo usa ka tonelada nga bricks dihang mitira si Phanatic.
Sa taho sa Mirror News, ang naglupad nga hotdog miigo sa iyang antiyuhos ngadto sa iyang ulo nga maoy hinungdan nga gidala siya sa hospital aron ma-scan ang iyang utok aron maseguro nga way kadaot nga nahitabo kaniya.
Ang esena nahitabo dihang si McVay nitan-aw sa Phillies nga nakigduwa sa nibisita nga St. Louis Cardinals sa Citizen Bank Park.
Naglingikod siya luyo sa home plate diin anaa ang mobater atol sa duha dihang ang unom ka tiil ug unom ka pulgada nga si Phanatic nigawas alang sa iyang “hot dog ritual” nga nagsul-ob nig puti nga kawo sa kusinero ug apron. Ang dugay na kaayo nga mascot, usa sa mga sikat sa North America, nanglabay og hotdog ngadto sa ilang mga magdadayeg gamit ang cannon.
Matod McVAy nga wa siya makasagang sa hotdog dihang miigo sa iyang ulo kay naangol ang iyang abaga nga nanginahanglan nga operahan.
Mihisgot siya sa tahos a 6 ABC nga ang sunod niyang nahibaw-an nga nipunta sa iyang direksyon ang hotdog ug daw sa naigo siya sa usa ka tonilada nga brick unya nalug- pad iyang antiyuhos.
Human sa insidente, si McVAy nga taga Plymouth Meeting, Pennyslavani, gidala sa hospital alang sa CT scan.
Nakaangkon siyag bun-og sa iyang mga mata ug ang iyang nawong nihubag unya nabun-og.
Nitug-an siya sa local media nga nakasabot siya sa iyang gidangatan diin kataw-anan kini apan gibaliwala niya kon ang mga tawo mangatawa sa nahiaguman niya.
Bisan sa insidente, si McVay namahayag nga wa siyay plan nga mokiha sa Philiadelphia Phillies ug mobalik ra gihapon siya sa stadium aron tan-awon ang iyang paborito nga team.
May pahimangno siya sa kauban niyang mga magdadayeg nga magbantay kay nakasabot siya sa duwa nga baseball apan di sa hotdog.
Ang Phillies nangayog pasaylo kang McVay ug nitanyag kini og libreng mga tiket sa umaabot nilang duwa, matod sa local media./