Si Lebron James ug ang pulitika sa Sugbo

Sayang. Kay ang miabag ug di mobabag sa mga programa ni Gobernador Hilario Davide III alang sa katawhan sa probensya sa Sugbo, nga si Besi Gobernador Agnes Magpale dili na magpapili alang karong 2019 nga piniliay.

Karon daghan ang nagpaabot ug si kinsa ang irekomendar sa bise gobernador aron maoy mopadayon sa mga malampusong programa nga iyang nahimo nga gitahas sa gobernador ngadto kaniya.

Usa na niini ang pagdumala sa Provincial Women’s Commission (PWC). Pinaagi sa pagpatuman sa programang pangiskolar alang sa mga anak sa mga kabus nga ginikanan ug nahimong biktima sa kawad-on .

Ang nahitabo mao nga naanod sa baha sa kalisud ug napunta sa pagbaligya ug illegal nga drugas hangtud nga nadakpan ang ilang ginikanan ug nahunong sa pagtungha ang ilang mga kabataan gipadayon sa pagpa tungha sa Kapitolyo

Dako sab ug natabang ang PWC batok sa cyber pornagraphy. Naluwas ang mga kabataan nga gipamaligya sa kaugalingong mga inahan ngadto sa langyaw ginamit ang abanteng teknolohiya sama sa live streaming sa internet.

Sa hingpit na unya nga pagbiya ni Magpale, sa pagserbisyo sa katawhan hinakot nga mohaom sa sapatos nga iyang ibilin ang mopuli niini

Ang bise gobernador naila nga tigpanalipod sa kabayen-an ug sa mga kabataan. Mao nga giisip ug gitawag kini nga “mangluluwas”.

Samtang sa siyudad sa Sugbo, mitumaw sab ang balita sa pagpapali ni Bise Mayor Edgardo Labella ug anaa sab si kanhi Cebu City mayor Mike Rama.

Giingon sab nga si Konsehal Margot Osmeña, asawa ni Mayor Tomas Osmeña, ang modagan sa pagka-mayor.

Kining tanan atong mahibaw-an ug makumpirmar inig-file na unya sa ilang sertipiko de kandidatura karong Oktubre 30 para sa election sa Mayo 2019.

Sama sa isyu sa pagbalhin ni NBA superstar LeBron James ngadto sa ubang team atong mahibaw-an sa pagkatapos sa iyang free Agency karong July1. Ug ang maong balita maoy mitabon sa pagka champion sa Warriors.

ALEGRE KON MADAYON

Gikonsiderar ni kanhi 3rd District Kongressman PJ Garcia si Mayor AljUn Diamante sa lungsod sa Tuburan nga dili bastabasta nga kontra sa pulitika.

Dunay gibasihan sab si PJ nga lig-on si Diamante kay gipili kini sa mga mayor isip ilang presidente sa lIga.

Kon imong sabton nindot nga away ang mahitabo sa pagka-kongresista sa ika- tulong distrito kon madayon.

Kay gipahibawo man sab ni Diamante nga posibling magpapili sa pagka bise mayor sa lungsod sa Tuburan kay mahuman naman sab ang iyang termino pagka 2019.