Asawa nakong OFW

Dear Atty. Joan,

Ako si Jose. Kasado ko ni Marie, man naa mi anak na edad 7 anyos. Karon si Marie kay nagtrabaho ron sa Hongkong. Ako ron ang nagbantay sa among anak. Pero karon kay ning-ngadto ang inahan sa akong asawa sa among balay, ganahan niya dad-on ang among anak ngadto sa ila probinsya kay para sila daw ang magbantay, total ang kwarta man daw sa akong asawa na ila anak ang nagsupporta sa gastos para sa among anak.

Sakto ba ni na ila makuha ang among anak? Jose

Dear Jose,

Sumala sa atong balaod, ang inahan og amahan kay gihatagan og katungod sa pag-amuma sa ilang mga anak, pero kung naay dili pag-uyon, ang desisyon sa amahan ang matuman. Kung wala diha o patay na ang isa ka ginikanan, ang ginikanan na naa o buhi ang magpadaun sa pag-amuma sa ilang anak.

Basi sa atong balaod, dili angay na makuha sa imong ugangan na babae ang imo anak. Dili kay tungod ila anak ang nagsupporta sa inyong anak kay sila na ang naay katungod. Ang balaod ang matuman na nag-ingon na kung naa ang isa ka ginikanan, siya ang naay katungod sa pag-amuma sa ilang anak. Naay ray authoridad ang imo ugangan sa imo anak kung wala na ka o mapakita nila na ikaw kay dili angay na mung-amuma sa imo anak. Atty. Joan

Pahibalo: Kini opinyon lamang nga nag-base sa inyong lakbit-saysay ug kini pwede nga mausab kun dugang pa nga mapatin-awan ang mga de pa kamoy mga pangutana nga adunay kalabutan sa katungod sa mga bata, mahimo kamong mokontak a hotline 0908-896-0355.