PORTUGAL, SPAIN SUD SA RD.-OF-16

Nakaabante sa round-of-16 ang Portugal human natabla ang ilang duwa batok sa Iran, 1-1, kagahapon sa Group B sa World Cup sa Saransk, Russia.

Ang Portugal nakatabla sa 5.0 puntos kauban ang Spain, nga nakatabla sab sa Morocco, 2-2, sa laing duwa.

Pinaagi sa goal difference, ang Spain maoy nahimong No.1 team sa Group B unya midakin-as sa No.2 ang Portugal. Ang mopatigbabaw nga duha sa matag grupo mao ang makasaka sa sunod nga round.

Ang Portugal maoy unang naka-goal unya nakatabla ang Iran sa stoppage time human gigamit sa referee ang video assistant referee (VAR) system nga naghatag sa Iran og penalty kick nga napasulod ni Ansarifard.

Sa sayo pa, diriyot ang Iran makalangkat sa labing una nilang luna sa round-of-16 ug tagakon ang Portugal apan igo lang mitapsing ang bola sa net gikan sa tira ni Mehdi Taremi.

“We have achieved our goal and now we have to recover over the next few days to think about the next match,” matod sa usa sa mga sinaligan sa Portugal nga si Ricardo Quaresma.

“Now we have to continue with this mindset of winning and wait for the next match.”

Ang Iran gianugnan og maayo sa nausik nilang oportunidad.

“It’s such a big disappointment for us,” asoy ni Iran midfielder Alireza Jahanbakhsh.

“We had a big chance at the end of the game, we could have scored and won it. As everyone has seen, we did our best to win this game but we missed some chances.”/Reuters,

/ AP PHOTO ■ DEPENSA: Nasagang ni Iran goalkeeper Ali Beiranvand ang bola gikan sa tira sa Portugal sa usa sa mga aksyon sa Group B kagahapon sa World Cup nga miresulta sa panagtabla, 1-1. Ning maong resulta, ang Portugal nakaabante sa round-of-16 kauban ang...