OSMEÑA MISAAD OG GANTI SA MOSUMBONG

Nibahad si Cebu City Mayor Tomas Osmeña nga ibulgar niya ang mga establisemento nga wa nakabayad sa buhis pinaagi sa social media.

Sumala pa ni Osmeña nga ibutang niya sa internet ang maong mga kompanya nga nibayad og saktong buhis aron mahibaw-an sa katawhan kon kinsa sab to ang mga kompanya ang wala mutuman sa lagda.

“We are going to prepare and put on the internet all the taxpayers who pay business taxes; who they are, where they are, how much their sales, and how much taxes they pay. Because many of these businesses have fake permits. You should have valid permit. There’s no excuse. We will put all of this in the internet so you could check and then so people could check also,” ingon ni Osmeña.

Hatagan sab ni Osmeña og ganti ang mga kawani sa nagkadaiyang business establishments nga makasumbong kaniya.

“If you make sumbong and it turns out to be true, we give P1,000, P2,000 or up to P50,000 reward,” sumala pa sa mayor.

Si Osmeña mangayo og gahin alang sa suhol alang sa mga kawani nga adunay ebidensiya sa mga balay patigayon nga adunay di makiangayon nga pagbayad sa buhis.

Dugang pa niya nga magdepende sab ang ganti sa kon unsa ka dako ang kalapasan ug sa kadako pud sa ilang makolekta gikan sa mga nakalapas. /

Namatay ang usa ka 48 anyos nga lalake human nisukol sa kapulisan sa dakbayan sa Mandaue atol sa buy-bust operation sa Sitio Lapyahan, Barangay Labogon niadtong Miyerkules sa gabii.

Ang biktima nga giilang si Mateo Dimpas, lumolupyo sa maong dapit, anaa sa drug watchlist sa Mandaue City Police Office (MCPO), sigun ni Senior Inspector Rodgene Fudotan, hepe sa Station 3.

Matod ni Fudotan sa dihang nahinabi sa mga tigbalita nga atol sa operasyon pasado alas 11 sa gabii, si Dimpas napalitan og balig P1,000 nga duha ka pakete sa drugas.

Apan giingong nakabantay si Dimpas nga pulis maoy iyang gikatransaksyon hinungdan nga nibunlot sa iyang .357 caliber revolver ug nition sa mga operatiba gikan sa City Drug Enforcement Unit (CDEU).

Patay diha-diha si Dimpas human naunhan og pusil sa operatiba.

Nasuta ning mantalaan gikan ni Fudotan nga bag-o lang nakagawas sa prisuhan si Dimpas human nakapiyansa.

Gawas sa duha ka pakete sa drugas, nakuhaan siya og laing usa ka medum nga pakete sa gituohang shabu, kwarta nga P1,000 ug lakip na ang iyang armas nga may upat ka bala.