MILAGRUSONG TUBIG SA JORDAN PARK

Sa higayon nga ikaw mosuroy sa Leyte, ayaw kalimti pagbiyahe ang Jordan (Hordan) Park and Inland Resort sa lungsod sa Villaba. Ang parke ug resort nahimutang sa bukid sa Barangay Jordan kansang kaanyag makita lakip ang kadagatan.

Ang propiedad adunay gilapdon nga 16 ka ektarya apan kapin 10,000 metro kwadrado ang gipalambo ni Tatay Teodorico Boholst Bacor gamit ang kusog nga bul-og sa tubod gikan sa iyang yuta.

Gisugdan ni Bacor pag-develop ang ibabaw nga bahin sa iyang lote (apan daplin ra sa karsada) niadtong tuig 2002 apan hingpit nga giablihan sa publiko niadtong 2007.

Sud sa Jordan Park mao ang tulo ka two-storey house nga adunay tag duha ka kwarto nga nagkantidad og P600 ug P1,200 nga pulos air-conditioned (duha hangtod unom ang masud) kansang lokasyon nag-ambo sa dagat.

Anaa silay duha ka swimming

pool, ang usa gikan sa presko nga tubod samtang ang usa ang tubig gikan sa sapa apan daw sama katin-aw sa tubod ang tubig sanglit way kontaminasyon kay ang sapa anaa nasud sa iyang yuta ug way namuyo.

Apan ang gipangandaman ni Tatay Teode mao ang iyang birthday karong Hulyo 22 diin pagaablihan ug benditahan ang iyang labing dako nga swimming pool nga nahimutang sa taas sa bukid. Kon ganahan mogamit og

cottage, nagkantidad kinig P100 ngadto sa P300 depende sa gidak-on ug way corkage sa pagkaon bisan kon aduna silay convenient store.

Ang entrance P30 alang sa mga dagko ug bata apan libre ang 5 anyos paubos diin abli ang

resort gikan buntag hangtod alas 6 sa gabii alang sa walk-in. MILAGRUSONG TUBIG?

Wa nagtuo si Tatay Teode nga gawas nga nakahatag siya og kalipay sa taga Villaba, Palompon, Tacloban ug mismo

daghan sa taga Cebu ang nakasinati sa kaanindot sa lugar nakaayo usab kini og balatian. “Kadtong taga Manila na

stroke unya ang iyang asawa gipadamgo nga pagkuha og tubig sa Jordan unya iligo sa imong bana aron maayo sa sakit,” asoy ni Bacor.

Ang iyang mama niadto sa iyang anak nga naminyo sa Tacloban ug gipahibawo siya nga adunay Jordan sa Villaba ug wa sila naglangan nihapit una sila sa iyang ig-agaw sa Palompon.

“Niduaw sila dri, pagsud niya diri unya nakita niya ang

falls nga mao gyud kuno sa iyang damgo, naghilak ang babaye uy ug niingon sa akong asawa nga “mao man ni ang akong gidamgo uy nga tubig sa Jordan,” saysay ni Tatay.

“Nahibung lage ko kay daghan magkuha og tubig dri unya ingon sila nako sir wa baka kahibawo nga kining inyong tubig diri makaayo mani og sakit. Diri sa Palompon kon sakitan og tiyan ang ilang mga bata magla’ga lang sila og tubig sa Jordan,” dugang ni Bacor.

“Daghan na ang nangaayo katulo lang naligo sa pool kadtong na stroke naayo unya ang taga Bogo, Cebu nangari diri kay nagkuha og tubig dad -on Cebu kay tambal kuno nila,“padayag ni Tatay Teode.

Apan bisan paman sa pangangkon sa mga tawo, ang tubig padayon nga ihatag ni Tatay ug wa niya gibaligya ug libre nga makapangayo ang si bisan kinsa nga mosawod gikan sa tubod.

Bisitaha na ang Jordan Park and Inland Resort, kon gikan ka sa Cebu, sakay ra og barko paingon sa Palompon ug sakay og tricycle o V-hire paingon sa Villaba ug mahimo sab sa Cebu-Ormoc dayon sakay V-hire nga adunay 48 kilometros ang distansiya. /