Unsay imong buhaton kon atakihon

1. Ayaw pakigbisogi o awaya. Mapugngan ang anxiety attacks, apan ang pagpahunong lisod. Kon imo ning awayon, mosamot na hinuon. 2. Lingawa ang imong kaugalingon. Maminusan ang atake kon makakita ka og lain nimong huna-hunaon o kalingawan. Kon malingaw ka og lain, mohinay ang atake. Kon mahimo, panawag sa cell phone, I-on ang TV o paglakawlakaw. 3. Kontrolaha ang pagginaha. Usa sa mga komon nga timailhan sa anxiety attack mao nga maglisod ka sa pagginhawa. Mosuway ka sa pagginhawag lawom, apan sa tinudanay, ang anxiety attack dala sa imong pagginhawa og daghang oxygen. Hinay sa pagginhawa, undang og ginhawa og duha ka segundo sa di ka pa moginhawa alang sa hustong level sa CO2. 4. Ipanabi o ipahibawo. Kon duna kay kauban, pahibaw-a kini sa imong sitwasyon ug pasabta unsay imong na-feel. Sagad sa mga atake nahitabo kon daghan ka og kauban apan wa sila masayod niini. 5. Atubanga ang kahadlok. Sagad sa anxiety attaks mosamot kon imong paundayunan. Kon duna kay dapit nga kahadlokan, mopasamot na hinuon kini sa pagtuo nga duna kay kahadlok. Adtoa ang lugar. Ang maayong

jogging o lugar nga maayo ang imong pagginhawa, makatabang kanimo. 6. Kalma. Ang pagkalma mosanta sa mekanismo nga maoy hinungdan sa

anxiety attack. Mosanta kini sa stress response.

7. Ang tanan dunay katapusan. Huna-hunaa nga bisan unsa kagrabe sa anxiety

attack, duna kini katapusan. Motabang kini nimo sa pagkalma.

8. Likayi ang stress. Kon imong malikayan ang stress, dako ang kahigayunan nga maundang ang anxiety attack. / calmclinic.com, anxietycentre.com