Cesafi officials unfair kaayo: Tallo

Dili lang kay ang mga coaches ug players maoy pahamtangan og bug-at nga silot, kon dili iapil usab kadtong mga referees nga makasala usab atol sa duwa.

Kini maoy unod sa mensahe ni coach Mark Anthony Tallo sa Cebu Eastern College (CEC) ngadto sa mga kadagkuan sa Cebu Schools Athletic Foundation, Inc. (Cesafi) isip tubag sa iyang pagka suspenso.

“Kung ma sayop me suspenso ug penalty 5k, naa pay community service. Ang referre kung masayop suspenso lang. Buot humahunaon sila maoy ga control sa duwa dapat duna say penalty para mag matngon sad sila sa ilang tawag,” matod ni Tallo kinsa gisuspenso human giingon nga nanghagit ug mibahad sa usa ka referee sa niaging semana.

Gipadayag ni Tallo nga nakalitan siya sa gihimo ni referee Herbert Rosal nga nikalit lang og duol sa table officials ug mi-warning kaniya nga unta wa man siyay gibuhat gawas lang sa pag-ingon nga “dapat ikaw ang motawag kay ikaw may duol.”

“Kadaghan naman ko ka attend og referre seminar

asa na man ang gi ingon the referre must have a communication with the coach and

the player. Unya ngano nga warningan man dayon ta,” dugang ni Tallo.

“Ang school dako og gasto pagpangita og player, pagkaon, sapatos puy-anan, scholarship, uniforms ug allowance, kahago pa unya sa sayop sa referre kita maoy ma-penalty unya referre suspenso ra. Pamultahon sab unta na sila. Unfair gyud na.

Nanghinaot si Tallo nga unta mamahimo kining wake up call ngadto sa Cesafi ug makorehi-an na unta kini.