LOAD SA SMART, GLOBE 1 YEAR UNA MO-EXPIRE

Ang mga nag-unang kompaniya sa telekomunikasyon sa nasod, Smart ug Globe, nipahibalo nga nipatuman na sugod kagahapon, Hulyo 5, sa Memorandum Circular (MC) No. 05-12-2017 nga hiniusang giluwatan gikan sa National Telecommunications Commission (NTC), Department of Information and Communications Technology (DICT), ug Department of Trade and Industry (DTI). Subay sa ilang press release, ang tanang Smart, TNT ug Sun prepaid loads balido na karon su- lod sa usa ka tuig. Naglakip kini sa tanang load denominations sa Smart Prepaid, Smart Bro, TNT, Sun Prepaid, Sun Broadband Wireless Prepaid, Smart Link, Smart Marino, PLDT Prepaid Landline Plus ug PLDT Home.

Sumala sa Smart, usa kini sa paghingpit sa ilang pagtuman sa Memorandum Circular (MC) No. 05-12-2017.

Sukad niadtong Enero 6, ang industriya nipatuman sa one year validity period alang sa repaid loads P300 ug pataas. Subay sa bag-ong kalamboan, ang prepaid loads nga P300 ug paubos giuswag na usab ngadto sa usa ka tuig.

Sa samang bahin, ang Globe Telecom hingpit na usab nga nipatuman sa naasoyng memorandum circular.

Ang tanang Globe prepaid load, lakip sa denominations ubos sa P300, duna nay one year expiration period, susama na sa prepaid load nga P300 nga one year na ang expiry sukad niadtong Enero ning tuiga. Sumala sa Globe, mapasalamaton kini sa NTC, DICT, ug DTI tungod sa paghatag sa telcos og igong panahon sa pagpangandam ngadto sa han--ay ug wala bikil nga pagpatuman sa kabag-ohan sa tanang denominations.