Kanhi mitahan tungod sa druga, nasikop atol sa usa ka buy-bust operation sa Lapu

Usa ka kanhi drug surrenderee nasikop atol sa buybust operation sa Barangay Maribago, siyudad sa Lapulapu niadtong Huwebes sa buntag.

Nadakpan sa buy-bust operation sila si Alexander Amodia Aying, 39, ug si Arnel Augusto Paquibot , 36, usa ka drug surrenderer, nga naapil sab sa watchlist.

Nasakmit sa kapulisan ang 14 ka gagmay nga pinutos sa gituohang shabu nga may kantidad nga P4, 956 uban pa ang tulo ka piraso sa P100 nga giingong buy-bust money.

Sa laing bahin, nadakpan sila si Hynoon Moreno Hayag, 40; Matias Moreno Hayag, 33, ug si Llyn Vergara Hatag, 32, mga lumulupyo sa barangay Alaska, Mambaling atol sa buy-bust operation sa sitio Afro, Barangay Ibo, Lapu-Lapu.

Nakuha gikan sa mga suspek ang 21 ka gagmay nga pinutos ug usa ka medium size nga pakete sa gituohang shabu.

Gibana-bana nga may gibug-aton kini nga 3.55 ka gramo sa kantidad nga moabot og P41, 890.

Kahinumdoman, ang nibalik sa ilang aktibing kampanya batok sa gidiling drugas human gibalik sa ilang gahom sa drug operations uban sa pag-abag sa Philippine drug Enforcement Agency (PDEA) hinungdan sa subsob na usa nga buy-bust operations.

Apan gipaneguro sa bagong lideato sa PNP nga dayag ug legal ang proseso sa matag operasyon aron paglikay sa mga pagduda sa pag-abuso nga nakadaut sa imahen sa kapulisan sa nasod sa kinatibuk-an.