Oposisyon misaway sa pagpamatay
Gipistahan sa oposisyon ang pagpatay nga nahitabo sa nasud karong bag-o. Ang mga tawo nakasaway ug nahadlok sa pagpatay kang Tanauan City Mayor Antonio Halili nga gipusil-patay samtang mitambung sa flag raising ceremony atubangan sa ilang city hall kauban ang iyang bise mayor ug ubang mga opisyal sa maong siyudad. Samtang angay sawayon kining maong hitabo, apan dili unta kinahanglang gamiton kini sa pamulitika.
Apan nagduda si Presidente Duterte nga gipatay si Halii tungod sa kampanya sa gobiyerno batok sa iligal nga drugas sama sa nahitabo kang Ozamiz City mayor Reynaldo Parojinog ug kanhi Albuera, Leyte mayor Rolando Espinosa, Sr. Niadtong Martes gipusil-patay usab si Mayor Ferdinand Bote sa General Tinio, Nueva Ecija. Wala kuno siya sa listahan sa mga pulitikong nalambigit sa ginadiling drugas sa Philippine Drug Enforcement Agency (PDEA).
Dinhi sa Sugbo mas kuyaw ang nahitabo kay gisud gyud sa mga kriminal ang panimay ni Atty. Salvador Solima diin siya gipusil-patay. Ang iyang kapikas giapil pagpusil apan anaa na siya sa luwas nga kahimtang. Anaa nay tulo ka mga batan-ong suspetsado nga gidakop kalabut sa maong pagpa- musil. Maka-ingon ta nga dili na diay luwas bisan sa sulod sa atong panimay.
Sigun sa gipaabot, gisaway gilayon si Presidente Duterte sa iyang mga kaatbang sa pulitika. Ang nabilanggo nga Senador Leila de Lima mipasangil kang Duterte sa kamatayon ni Mayor Halili. Suma niya nga tungod kini sa kasugoan sa presidente nga ihawon ang mga gidudahang kriminal. Laing kritiko nga si Sen. Antonio Trillanes IV mitawag sa Pilipinas nga murder capital of Asia.
Ang pagpatay kang SPO1 Adonis Dumpit didto sa Bohol sumala sa National Bureau of Investiga- tion (NBI) Bohol ug Regional Intelligence Divisiontungod kay namaligya siya og ginadiling drugas gigamit usab batok kang Mayor Tomas Osmeña. Adunay mga oposisyon nga miawhag sa Department of Justice (DOJ) nga imbestigahon kalabut sa iligal nga drugas si Mayor Osmeña kay iya mang nahimong aide si Dumpit.
Hinaut pang maghiusa kitang tanan aron pagsumpo sa tanang klase sa kriminalidad sa nasud inay nga maghuwat kita nga adunay pamatyon aron atong masaway ang nangagamhanan.
Kadaghan na ako makakita ug nakapaminaw sa pakigpulong ni Presidente Duterte atubangan sa nagkalainlaing pundok sa katawhan. Akong nadipa- rahan nga kanunay siyang mo-adlib sa ato pa dili niya gamiton ang prepared speech alang unta sa maong okasyon. Mao kini katarungan nga mataas kaayo ang iyang diskurso diin kanunay niyang ibalik-balik ang hulga sa kinabuhi batok sa mga drug lord ug ubang kriminal. Dili usab mawala ang iyang pagpamalikas ug komedya. Apan ambut og nganong ganahan man maninaw ang mga manambung. Tungod ba kaha kay ang nangaging mga presidente sa nasud pulos man mga pormal kaayo ang pakigpu long nga kadaghanan ilang basahon ang prepared speech. Dili lang boring kini kon dili nagtuo sila nga puro lamang saad ug bulatik ang ilang nabati.(msr1144@yahoo.com)