Talisay nakauna sa South finals
Mipakatap og 28 puntos si Jay Diparene, 15 niini sa fourth quarter, aron pangulohan ang Talisay City Aqua Stars ngadto sa 9370 nga kadaugan batok sa Sibonga sa Game One sa best-of-three South Division finals sa 2nd Cebu Governor’s Cup Inter-Cities/Municipalities nga gipahigayon sa Talisay City Sports Complex niadtong Miyerkules sa gabii.
Perming naggukod ang Aqua Stars sulod sa duha ka quarters, 37-44, pagkahuman sa first half ug 56-60 sa third quarter nga naghatag kanila og pagpanghudlat. Apan sa pagsugod sa fourth
quarter, ginamit ang hugot nga depensa, ang Talisay mipaulbo og 15-0 nga rally nga gikombuyahan nila ni Dieparene, Kendrick Abarquez
ug Elmer Echavez aron pagbawi sa labaw, 71-60, 6:15 minutos ang nahabilin sa fourth quarter.
Si John Bryle Cuyos maoy miputol sa kamingaw sa Sibonga pinaagi sa iyang duha ka free throws sa tungatungang bahin sa katapusang
quarter apan wala kini makapugong sa padayon nga pag-arangkada sa Aqua Stars ni coach Rey Gurrea.
“Premiro individual kaayo ang ilang dinuwaan kay homecourt lagi unya kompiyansa ra sab kaayo. Unya maayo sab nga nakaduwa ang Sibonga mao to nga nabiyaan mi. At least naka adjust mi sa among depensa nya nahutdan sab sa lahutay ang kontra,” matod ni Gurrea sa
interview human sa duwa. Hinuon bisan pa man og anaa kanila ang pabor, si Gurrea nagdumili sa pagpaniguro nga maharos nila ang series. Kadto maoy ikatulong daog sa Talisay batok sa Sibonga ning torneyo nga alang lang sa 21-anyos paubos.
Ang modaog ning maong
series maoy makakuha sa katungod nga makigsangka sa modaog usab sa North Division finals tali sa Consolacion Sarok Weavers ug sa San Francisco team nga mosugod sa ilang series karong Dominggo didto sa korte sa San Francisco, isla sa Camotes.
Mga puntos Talisay City (93) – Diparene 28, Briones 15, Echavez 14, Abarquez 11, Bacasmas 10, Taburnal 9, Beduya 2, Castro 2, Minerva 2
Sibonga (70) – Cuyos 18, Nobleza 14, Suarez 12, Sonsona 11, Rosales 10, Ignacio 2, Bungabong 1.