Emergency responders sa Alegria gidayeg sa daling aksyon sa pagkalunod sa bangka

Provincial Disaster Risk Reduction and Management Office nihangop sa kapaspas sa Local Disaster Risk Reduction Management (LDRRM) unit sa lungsod sa Alegria pagresponde sa pagtikyaob sa usa ka motor banca sa kadagatan sa Barangay Madridejos, hinungdan nga mas daghan ang naluwas sa aksidente.

Matod sa labaw sa PDRRMO Emergency Response Division, Rhafael Luche, dunay igong kahibalo ang mga local responder sa Alegria sa swift water rescue tungod usab sa nabantog nila nga operasyon sa canyoonering.

Nanawagan hinuon si Luche sa lokal nga kagamhanan sa maong lungsod ug sa uban pang LGU nga hingusgan ang pagpatuman sa mga lagda labot operasyon sa mga pump boat o motor banca aron pagsiguro nga di kini overloaded ug anaa sa maayong kondisyon kon molawig sa kadagatan.

Kini ilabi na usab kay dunay nasigpatan nga weather disturbance sa nasud.

Ang mga nanag-iya og mga paabangan nga pump boat ug motor banca gipasidan-an sab ni Luche labot sa regular nga inspeksiyon sa ilang mga unit aron pagsiguro sa kaluwasan sa mga pasahero sa pagbiyahe niini.

Tulo ang namatay ug 12 ang naluwas, nga sadgad mga menor de edad, sa pagtikyaob sa motor banca sa Alegria niadtong Martes.

Tulo sa mga naluwas, nga naglakip sa usa ka 9-anyos nga batang lalake.

Gawas sa training sa mga local responder, gisugyot ni Luche nga iapil na sa Physical Education class sa mga tunghaan ang kalabot sa swimming ug basic life support aron masayod ang mga tinun-an sa ilang buhaton kon makasugat og mga untoward incident sa kadagatan.

Usa ka pamilyahan ang nanuroy nga nanukad sa kadagatan sa Sante Filomena niadtong Miyerkules alas 3 pasado sa hapon.

Pag-abot sa kadagatan sa Barangay Madridejos, napawong ang makina nga naatol sa pagkahapak sa dagkong mga bawod.

Si Rechelle Torsiende, pangu sa disaster office niila sa mga nangamatay nga sila si Rosalyn Vecere Peligro, 31, taga Cebu City; iyang igsuong babaye nga si Ruby, 27; ug Albert Velonta Lopez, 24, igsuon sa tag-iya sa bangka.

Matod ni Torsiende nga ang mga biktima nanakaysa bangka ni Alberto Lopez aron magsuroysuroy samtang mamidpid sa kabaybayunan sa lungsod.

Ang sakay sa bangka gilangkuban sa pito ka mga hamtong ug walo ka mga menor, nga giseguro sa pagluwas ni Lopez.

Si Lopez gibuhian sa kapulisan kay di interesado ang pamilya sa mga biktima sa pagkiha.

Apil sa namatay ang igsuon ni Lopez.