GIDEKLARAR NGA PATAY BUHI DIAY

Nakuratan ang mga trabahante sa usa ka morgue sa Johannesburg dihang nagginhawa pa diay sud sa

fridge ang usa ka babaye nga unang gideklarar nga patay na human malambigit sa aksidente sa kadalanan. Ang South African nga babaye nga taga Gauteng apan wala nganli, gideklarar sa paramedics nga namatay uban sa laing duha ka mga tawo, human mabangga ang ilang gisakyan nga awto.

Matod sa usa sa mga trabahante sa Carletonville mortuary nga gibutang sa iyang mga kauban ang mga lawas sa mga biktima sud sa mga fridge sa dili pa embalsamaron.

Apan dihang nibalik ang usa sa iyang mga kauban aron pagkuha sa lawas sa babaye, iya kining nakit-an nga nagginhawa pa.

Si Gerrit Bradnick, operations

manager sa Distress Alert, nga igo lang sila nagtuman sa mga pamaagi ug wa mahibawo sa nahitabo sa babaye.

Gidali og dala sa Carletonville Hospital ang babaye ug gibalhin sa Leratong Hospital sa Krugersdorp.

Sigon sa report sa Times Live nga dili kini ang unang hitabo sa maong morgue.

Sumala ni Dr. Charl van Loggerenberg, emergency medicine specialist, nga pipila na ka mga okasyon nga tawgon siya sa morgue kay dunay ipatabang nga mga biktima nga gideklarar nga patay na apan buhi diay. “It certainly does happen,”

matod niya sa CapeTalk radio.

Sa pagkutlo ning balita, anaa pa sa talandugon nga kahimtang ang babaye.