BELGIUM BATOK FRANCE SA SEMIS
Gipakaging sa Belgium ang Brazil 2-1, aron angkunon ang usa sa upat ka pwesto sa semifinals sa nagpadayon nga World Cup didto sa Russia. Ang Belgium nisikad sa Brazil kinsa lima na ka higayon
nga nahimong kampyon sa maong torneyo aron makabalik sila sa top 4 diin katapusan nila kining naabot niadtong 1986.
Ang team ni manager Roberto Martinez nirehistro sa ilang lima ka sunodsunod nga kadaugan sa World Cup aron isiguro ang ilang pwesto sa
semis diin ilogan ang tropeyo sa upat ka nasod gikan sa Europe nga maoy una sukad niadtong 2006.
Ang Brazil igo lang nihipos og usa ka goal sa ilang nilabay nga upat ka duwa sa Russia apan nabiyaan na sila dihang niataki si Nacer Chadli sa Belgium ubos sa depensa ni Fernandinho ug napasulod ang bola nga maoy iyang ika-10 sa maong torneyo.
Ang kauban ni Fernandinho sa Manchester City nga si Kevin de Bruyne nidugang sa labaw sa Belgium human iyang gipatiran ang bola gikan sa 20 yards nga distansiya human sa
assist ni Romelu Lukaku. Ang bugtong goal sa Brazil nagagikan ni Renato Augusto human sa maanindot nga pasa gikan ni Philippe Coutinho.
Ang Brazil maoy labing uwahi nga inilog sa torneyo sa wala pa magsugod ang World Cup nga napukan human sa laing mga title holder sa niaging mga torneyo nga gilangkuban sa Argentina, Spain ug Uruguay.
Samtang gipukan sa France ang Uruguay 2-0 aron kontrahon ang Belgium sa semifinals diin katapusan nilang naabot ang pwesto niadtong 2006.
Si Raphael Varane maoy nangulo sa France human sa iyang free-kick samtang ang
striker ug sinaligan sa Uruguay nga si Edinson Cavani kinsa naangol sa ilang duwa batok sa Argentina wala makaduwa ug napakyas bisan lang pagpakita didto sa ilang bench.
Ang France ug Belgium maoy magsangka karong Miyerkules sa kadlawon didto sa St. Petersburg samtang Huwebes masaksihan ang panag-engkwentro sa Sweden batok England ug sa laing duwa ang Russia ug Croatia aron ilogan ang laing duha ka semifinal slots.