8 ka bag-ong sakyanan gisubhan
Walo ka bag-ong sakyanan ang gi-turnover sa siyudad sa Mandaue atol sa flag raising ceremony sa Mandaue City Hall kagahapon.
Tulo ka mga trak nga nagkantidad og P1.8 milyon ang matag usa, kini ihatag sa city engineer's office. Upat sab ka Innova nga nagkantidad og P823,000 ang usa gihatag sa upat ka barangay sa Mandaue: Paknaan, Casuntingan, Pagsabungan ug Maguikay.
Usa ka boomtruck sab nga nag kantidad og P7.8 milyones nga ihatag sa Department of General Services (DGS).
Pagkahuman sa seremonyas, giapud-apod dayon kini.
Ang turnover ceremony gipangulohan sa Bise Mayor Fortuna uban sa pag-abag ni Jun Veliganio, Public Information (PIO).
“Gamiton nila sa engineering para karga-karga sa mga gamit apil sad didto katong ato pod gamiton kun naa'y calamities pang transport.” asoy ni Veliganio.
Sa laing bahin, nalipay og mapasalamaton ang kapitan sa Paknaan nga si Malaquies “Malac” Soco nga naapil sila sa upat ka barangay nga nahatagan sa maong sakyanan.
Igahin ni kapitan Soco ang maong sakyanan alang sa opisyal nga kalihukan kay kini gikan sa pundo sa gobyerno.