KABLE GISULOD SA KINATAWO
Usa ka kuryuso nga 13 anyos nga lalake gikuhaan og USB cable sa iyang kinatawo sa mga doktor human iyang gipasok kini nga niabot ngadto sa iyang pantog.
Sa taho sa Metro News, ang batan-ong lalake, kansang ang iyang pangalan wa hinganli, mipasok sa kable nga moabot 20 ka sentimetros sa iyang kinatawo apan wa siya kabantay nga di na siya kini mabitad.
Gidala siya sa iyang mga ginikanan sa lokal nga tambalanan sa Linkou County sa amihanang kasadpan sa Heilongjiang province sakop sa China diin ang mga doktor migamit og “lubrication” sa tinguha nga mabitad ang kable.
Apan, wa sila molampos busa nisamot ang kasakit nga naangkon sa bata hinungdan nga gibalhin siya Harbin Children’s Hospital sa pagka-sunod adlaw. Si Dr. Xu Liyan, resident
urologist sa tambalanan, nagkanayon nga ang bata miputol sa tumoy sa kable ug gipasok sa iyang kinatawo.
Midugang si Liyan nga ang kable miabot sa pantog apan nalambid kini ug dihang gisuwayan na sa pagbitad di na maibot.
Iyang gitumbok nga wa na siyay mahimo busa naghimo siyag operasyon sa bata.
Nitataw siya nga iyang giputol kini sa pantog sa bata diin anaa ang naglambid nga kable ug gibitad ang nahabilin nga kable nga diha pa sa iyang kinatawo nga maoy giagian niini.
Nangangkon ang bata nga nakuryuso siya sa iyang kinatawo busa gibuhat niya kadto.
Hinuon, nakagawas na siya sa hospital human sa duha ka semana niya nga pag-estar.