GARRY GARBO SA LGBT
Garbo dili lang sa sakop sa Lesbian, Gay, Bisexual, Transgender (LGBT) community, apan lakip na sa taga Barangay Tejero, dakbayan sa Sugbo si Garry Lao.
Si Lao kinsa 38-anyos na, aduna pa’y gusto nga makabot sa iyang kinabuhi lakip na niini ang pangandoy niya nga mamahimo nga city councilor sa dakbayan sa Sugbo.
Batan-on pa lang si Lao dihang nagsugod siya sa pagtrabaho sa industriya sa media.
Nagpangedaron siya og 19-anyos dihang ni-apply siya sa usa ka lokal nga mantalaan, apan inay nga madawat isip
clerk, girekomendar siya kaniadto sa presidente sa maong kompaniya nga kuhaon siya isip correspondent.
Marso 1999, dihang unang nakamantala si Lao sa iyang unang balita isip correspondent, apan duha ka buwan ang nakalabay dihang ni-apply siya sa sister publication niini ug nahimong barangayan
reporter nga maoy nakapahigmata kaniya sa pagpangalagad sa publiko.
“Na open ang akong mind sa politics, because I was a reporter doing a task, mag interview ko og mga kagawad, mga barangay officials. Hala ingon anion diay ni? So, naay oppotunity ato that was 2007, didto nidagan ko as an independent.”
Tuig 2007 dihang nidagan si Lao sa Tejero isip kagawad nga independente ug nakuha niya ang top 6 nga di bati sa
sama kaniya nga una pang higayon nga midagan.
Nagpadayon ang karera niini isip kagawad ug nahimo siyang number 1 councilor sa 2010 ug 2013. “My greatest achievement
sa barangay Tejero is katong nasunugan akong mga konstetyuwente. Kay ako personal nakapahiluna nilang tanan. Meaning ako’y nag reblock (2009-2010).”
Apan dihang nidagan siya isip city councilor sa North District niadtong 2016, wala masulod sa mananaog nga konsehal si Lao.
“Let’s not be hypocrite, I want to expand my services to
the people nga gusto nako i-extend. Unya nakita sad nako nga makatabang siguro ko kon naa ko sa public service, kon naa ko sa posisyon.”
Sulod sa 17 ka tuig nga media practitioner si Lao ug kapin sa siyam ka tuig usab nga nagserbisyo sa Tejero isip konsehal.
Karon, usa sa mapangahason nga lakang nga iyang gidawat mao ang mahimong execu-
tive director sa Cebu City Office for substance Abuse Prevention (Cosap) sa Siyudad.
Aktibo siya nga nangampanya batok sa drugas pinaagi sa edukasyon.
Iya usab nga giseguro kanunay nga way drug users sud sa city hall pinaagi sa kinalit kalit nga mga drug test.
Gihimo usab niyang tulumanon sa mga barangay ang paghimo og kampanya batok sa
illegal drugs pinaagi sa pagpaduso matag usa kanila og report. Usa ka tuig na ang nakalabay dihang nilingkod si Lao sa Cosap, apan nagpabilin siyang bukas alang sa tanan.
“I know this position is a big challenge especially sa barangay Tejero, drug infested, i want to help my barangay.” Apan sa tanang mga naabot ni Lao, usa sa damgo niya mao ang makadaog sa umaabot nga national ug local elections sa 2019, isip Cebu City Councilor.
“I already informed the mayor that I am interested to run again. Please consider me, niana gyud ko.” Nagpamatuod si Lao kon unsa ka mahinungdanon ug nakapakita nga dunay kapabilidadang ang usa ka miyembro sa LGBT ug kabataan, di lang sa usa ka sector, apan lakip na alang sa publiko nga moserbisyo.