Kontra ni Nietes tabangan sa Batang Mandaue

Kanhi sakop sa ALA Boxing Club ug ex-world boxing champion Rodel "Batang Mandaued" Mayol, kinsa atoa na magbasihan sa Estados Unidos isip boxing trainer, ang hilom nga ania karon sa nasod alang sa usa ka misyon.

Matod pa kasaligang tinubdan nga ang lumad nga taga dakbayan sa Mandaue nga Mayol gikuha sa kampo ni world superflyweight contender Aston Palicte aron motabang sa training sa nauwahi.

Giingon nga niabot ang kanhi world jr. fyweight champion sa sa niaging semana ug atoa na karon sa General Santos City alang sa pagsugod sa training ni Palicte kinsa gikatakdang moaway alang sa bakanting World Boxing Organization (WBO) superfly title batok ni boxing legend Donnie “Ahas” Nietes sa Ala Boxing Club.

Wa pa man tuoy kasiguroan apan posibling adto kini ipahigayon sa Estados Unidos karong Septiyembre.

Kini maoy ikaduhang higayon sukad niadtong 1928 nga pulos Pinoy ang mag-away alang sa world title.

Ang 27-anyos nga Palicte kinsa adunay record nga 24-2, 20KOs lumad nga taga Bago City, Negros Occidental samtang si Nietes, 36, adunay 41-1, 23 KOs, lumad usab nga taga Murcia, Negros Occudental.

Niadtong Mayo 26, ang Filipino world champion nga si Jerwin Ancajas midepensa sa iyang titulo batok ni Filipino challenger Jonas Sultan didto sa Fresno, California USA diin nidaog si Ancajas pinaagi sa unanimous decision.