Aces, ROS semis ang tirada
Mga duwa karon 4:30 pm- Rain or Shine batok Global Port 7:00 pm- Alaska batok Magnolia
Moambak dayon og suway sa semi-finals ang top two teams Rain or Shine Elasto Painters ug Alaska Aces sa ilang pagpakigbatok og lainlaing kontra sa quarter-finals sugod karong hapon sa Philippine Basketball Association (PBA) Commissioner’s Cup sa Araneta Coliseum.
Ang No.1 team Elasto Painters makigsangka sa No.8 Global Port Batang Pier sa premirong duwa samtang ang No.2 Aces makigkontra sa No. 7 Magnola Ang Pambansang Manok Hotshots sa main game.
Parehong naggunit og twiceto-beat nga bintaha ang Elasto Painters ug Aces isip benepisyo sa ilang pagsulod sa top two spots human sa elimination round.
Dili ikalimod nga parehong inilog ang Elasto Painters ug Aces ning mga sangkaa apan sayod silang dili sila makalugak bisan gamay sa ilang tagsatagsa ka kontra.
“We cannot think about the twice-to-beat advantage,” matod ni Elasto Painters coach Caloy Garcia, kinsa gustong tikluon na dayon ang Batang Pier ning engkuwentruha, sa interbyu sa PBA.PH
Naa sa hunahuna ni Garcia ang kamatuoran nga gipakaging sa Batang Pier ang duha sa labing gikahadlukang puwersa sa liga nga mao ang defending champions San Miguel Beermen ug Meralco Bolts sa tungatungang bahin sa komperensya.
Si Global Port coach Pido Jarencio nga mogawas na sab ang ilang maayong duwa ning maong andana sa kompetisyon.
“We have to play consistent good basketball for 48 minutes, defensively and offensively, versus Rain or Shine,” asoy ni Jarencio.
Sa premirong panagharong sa duha ka mga kampo niadtong Mayo 20, ning-agi og grabeng pagpanghdulat ang Elasto Painters una nila napukan ang Batang Pier, 96-90.
“We just have to be focused on the game. We worked hard to be where we want. Global Port is a tough physical team and we have to match that,” dugang ni Garcia.
Sa laing parisan, ang Aces naglaom og sikit nga kombati kontra sa Hotshots.
Tinuod nga adunay bintaha ang Aces apan ang determinasyon sa Hotshots dili nila angayang ibaliwala.
“It will be a dogfight,” matod ni Magnolia coach Chito Victolero. “We’re the underdog, but we’re ready to battle and my players know what it takes to win this game. We’ll take it one one game at a time,” asoy ni Victolero.
Sayod si Alaska coach Alex Compton sa kapabilidad sa Hotshots hinungdan nga nangandam sila og maayo ning sangkaa.
“Magnolia has been one of the best teams in the PBA for the past two years now. This will be a battle. They are very talented and are doing a great job playing as a team. We are expecting them to be very very tough,” matod ni Compton.
Munasginhawa sab nga mingdaog ang Aces batok sa Hotshots, 103-99, sa premiro nilang duwa niadtong Hunyo 10.