KONSEHAL SA BARANGAY KALUNASAN GIPUSIL-PATAY

Patay human natusaktusak og mga bala sa kalibre .45 nga pistola ang usa ka konsehal sa Upper Kalunasan, dakbayan sa Sugbo sulod mismo sa barangay hall pasado alas 2:00 sa kagaha- pon sa hapon.

Si Roel Mabano, 41, kanhi pulis ug bag-ong napili nga konsehal sa barangay sa miaging eleksiyon, nakaangkon og pito ka pinusilan sa nawong, liog ug nagtapok sa abaga.

Pito ka mga kabhang sa .45 caliber ang nakuha sa scene of the crime operatives (Soco).

Si Mabano naapil sa listahan sa narco list, matod ni P/Sr. Insp. Eduardo Anunciado Sanchez, hepe sa Police Station 9 sa Barangay Guadalupe.

“Mao pud ang hinungdan nga nalabay siya sa PRO 2, apil iyang ngalan sa Cordillera. Mao nay last nga assignment

niya,” asoy ni Sanchez. Gibalhin si Mabano sa Police Regional Office (PRO) 2 Cordillera tungod sa kalambigitan sa ilegal nga drugas sa Sugbo ,matod ni Sanchez.

Dugang niya nga usa gibalhin si Mabano sa PRO 2, sakop siya sa City Anti-Illegal Drugs sa Cebu City Police Office (CCPO).

Si Sanchez niingon nga duha ka mga angulo ang ilang gitutukan sa pagkakaron, ang iyang pagka pulis ug ang iyang pagka barangay konsehal.

Gisusi sa kapulisan ang CCTV aron pag-ila sa gunman apan dili kini maila kay nagsuot kini og kalo ug di maklaro ang kopya sa footage. Ang gunman nagsul-ob ogsweater ug shorts ug nagtsinelas.

Ang mamumuno naglakaw pasulod sa barangay hall ug sa dihang nanion siya sa usa ka barangay tanod nga tapad ni Mabano ug wala nakabantay ang konsehal sa pagpusil kaniya kay nagtext kini sa iyang cellphone ug kalit nibunot og pusil ang armadong lalake dayong pusil ni Mabano.

Sa dihang nahagba na si Mabano, gitiwasan kini pagpusil sa makadaghan nga higayon. Nidagan pagawas ang mamumuno sakay sa usa ka motorsiklo nga wala usab makuhai og plate number.

Sigon ni Sanchez, nga base sa CCTV footage, dili professional ang gunman tungod kay kurog ang iyang kamot kumpara sa mga professional gunman nga usa hangtod tulo ra nga bala ug mulakaw ra human mamusil.

Adunay daghang nakakita sa panghitabo apan wala pa kini mohatag og statement sa kapulisan kay na-trauma pa sa ilang nakita.

Matod ni barangay administrator Mark Dumabok, ang opisyal nga pamahayag sa barangay bahin sa hitabo ilang i-post sa

/ ERWIN LOREGAS, USJ-R INTERN ■ NAHAGBA: Si Konsehal Roel Mabano, 41, sa Barangay Kalunasan, dakbayan sa Sugbo nahagba sa salog sa barangay hall human gisulod ug gipusil sa usa ka armadong lalake kagahapon sa hapon.

/ GIKAN SA CCTV CAMERA SA BARANGAY KALUNSAN ■ MAPANGAHASON: Makita sa closed circuit television (CCTV) camera sa Barangay Kalunasan, dakbayan sa Sugbo ang pangasong pag-ataki sa usa ka mamumuno sa usa ka konsehal sa barangay bisan sa kadaghan sa mga tawo sa dapit kagahapon sa hapon.