NAALAAN NGA 'POKPOK' SI NIÑA
Unsay tinuod nga nahitabo sa nag-viral nga video tali ni Mabolo Barangay Captain Niña Mabatid ug security team sa Cebu City Waterfront Hotel?
Nigawas ang video nga gikalalis ni Mabatid ang security
team ug manager nga babaye sa hotel ug adunay komusyon nga nahitabo.
Si Mabatid nagkanayon nga wa gipakita sa video unsay sinugdanan sa panaglalis.
Matod sa kapitan nga dihang nisud siya sa hotel kauban si Dr. Ramon Floresta, usa ka magpapatigayon nga iyang common-law partner, gisita siya sa gwardiya kay nagtuo nga siya usa ka buring.
"Naay security nga ni-approach namo apan wa gipakita before that when I entered the hotel I was already asked nga maglog book ko because I was an escort in other words naalaan kong pokpok, ” saysay ni Mabatid. “When I reached the elevator
niduol na nako ang security, again asking me nga mag logbook ko kay escort ko. It is
a public knowledge nga diha sa Waterfront kon escort ka mag-logbook gyud ka and I
witnessed it myself kay I am a regular guest,” midugang siya. Sa nakita sa video nga iyang gitudlo ang security guard ug masuk-anon ang porma, iya kining giangkon sanglit nasakitan siya sa gibuhat sa gwardiya ug sa manager sa hotel.
Iyang gipaila iyang kaugalingon. “When that guy approached me, nisulti gyud ko nga I am not a whore, dili ko escorts. I am Niña Mabatid, I am the barangay captain of Mabolo. I am a regular guest and I am a big client of Waterfront. I have a corporate account sa Waterfront, “matod niya diin ang mga okasyon sa pamilya ug sa iyang kompanya nga Pinoy Care anha ilusad sa hotel.
Gidepensahan usab ni Mabatid si Floresta kinsa nidapat sa gwardiya uban sa pag-ingon nga si bisan kinsa nga lalake manalipod sa iyang kuyog nga babaye kinsa makasugat og samang sitwasyon ug iyang gihulagway nga kon ang uban pa maoy matumngan posible nga labaw pa niadto ang buhaton.
Gipadayag ni Mabatid, kinsa ang pangu sa PinoyVisa Care, nga nahibong siya kon nganong nigawas ang video sanglit naresolba ra ang kasungian.
Matod niya nga siya ang usa ka tawo nga di ganahan og kasamok.
Ang security personnel pipila ka minutos human sa hitabo subling nagkakita og si Mabatid ug nangayo kinig pasaylo sa iyang gibuhat nga sayop ug gidawat ra usab kini sa kapitan base sa video nga kuha sa iyang grupo.
Labot sa manager, wa na siya naproblema sanglit gusto niya og kalinaw gani gipadad-an pa kini niya og buwak isip timaan sa paghigugma.
Si Mabatid way plano nga mopasaka og sumbong batok sa management sa luho nga hotel sanglit sanglit iyang gihulagway nga maayo sila og relasyon gawas lang sa maong hitabo.
PAMILYA NASAKITAN
Si Salud Ompoc-Mabatid emosyonal nga nitestimoniya nga di kinaiya sa iyang anak ang pagpang-harass, pagdaot og tawo ilabi na ang pagkamapahitas-on bisan pa man sa iyang naabot sa kinabuhi.
“Nasakitan ug natandog kaayo ko labi na gabii kay wa man mi maanad ani. Sa among kaliwat nga Ompoc bisan mangutana pa mo sa tibuok Mabolo wa gyud mi anang ngil-ad nga reputasyon, ” matod sa inahan ni Mabatid.
Ang anak ni Mabatid nga si Iah, pulos pagdayeg ang gihulagway sa iyang inahan nga naningkamot aron sila mahaw-as sa kalisod. “She raised me as a single mom and I saw her how she works so hard to provide me and siyay nagtudlo nako how to be kind, good to other people and
always forgive ug di mo-hold og
grudges and knowing her grabe bi siya ka understanding ug forgiving nga pagkatawo,” matod sa iyang anak.
Gisuportahan usab si Mabatid sa grupo sa kababayen-an sa Mabolo ug niingon nga di ingon niana ang ilang kapitan subay sa mga negatibong komentaryo sa social media base sa video batok ni Mabatid.