PATAY GIPATAN-AW OG TV SA IYANG HAYA
Daw sama sa usa ka buhi lang gihapon tan-awon ang usa ka lalake nga patay na nga gipatan-aw og telebisyon sa iyang mga tagtungod.
Si Renard Matthews, 18, ang gipusil sa iyang ulo niadtong Hunyo 25 nga maoy hinungdan sa iyang kamatayon.
Sa iyang haya, gipili sa iyang pamilya nga siya mahinumduman sa iyang gusto nga pangbuhaton sa dihang buhi pa: ang molingkod atubangan sa telebisyon ug motan-aw sa duwa sa iyang paborito nga team sa National Basketball Association (NBA), ang Boston Celtics.
Sigon sa Associated Press, gisul-oban pa og jersey sa Celtics si Matthews samtang gihaya sa Charbonnet Labat Glapion Funeral Home sa New Orleans.
Tapad sa iyang gilingkuran ang iyang paborito nga snack, ang iyang mga kamot gipagunit og video game controller ug gipaatubang kini sa TV samtang gipasalida ang duwa sa Celtics. /