Unsay sagad hinungdan sa selos? Kinsay mas kusog magselos, babaye o lalake?

Juncel Gomez

Para sa akoa same raman babae ug laki magselos. Siyempre kung love nimo ang usag-usa, magselos gyud ilabi na patulan ang magsamoksamok. Anha man makita nimo ang tinuod nga gugma nimo sa selos kay di man gusto mawala ug mailog sa lain pero ang pagselos ibutang sad dapat sa saktong lugar.

Kenny Podunas Suarez

Ang selos walay mapili kung kinsa sa inyong partner, base sa akong na obserbahan, katong tao nga madudahon mao to sila ang seloso kay unsa ilang binuhatan sauna mao dayun ilang ipamukha kay hadlok sila mabaslan. Maong salig sa inyong partner, ayaw buhat ug butang na makadaot sa inyung relasyon!

Allie Pabia

Ang selos naa jud na kay normal man ta’g panghunahuna pero grabe jud moselos babaye, advance kaayo hunahuna, dali kaayo na sila maka-detect bisan usbon ra nimu imung hipay sa bohok. Ang laki magselos hilomhilom rana adtu rana pagawas sa gibate nig mahubog

Niaga Nacario Jr.

Babaye o lalake, magselos sa matag usa kung naay buhatun nga negatibo sa usag-usa. Kitang tanan nagpuyo sa kalibutan nga normal pagkatawo, maselos jud na except sa buang nga nag suroysuroy sa dalhan.

Rochelle Estrera

Ang hinungdan anang selos mao ang pagka-walay salig most especially sa usa ka relasyon, dapat kung tinud-anay ka man nga nahigugma sa imo kapikas, musalig ka kaniya. Kay kung usa ka relasyun nga puno sa duda, walay lig-on nga pundasyon.

Meriam Lapiña Entwistle

Depende kay ako magselos ra ko kung naay makitang angay pagselosan, ako ang babaye nga selosa angkon ko ana. Apan kung dili pud ka magselos it means wala kay paki sa imong partner or wala kay love. Pero dili lang pud itugot nga ang pagkaseloso or selosa maoy mo- control sa imong kaugalingon kay mao nay hinungdan sa mga trahedya.

Janica Roseque Mag-aso

Base sa akong naagian ug nasulayan ang hinungdan sa selos kanang mangita ug laing partner ang imong hinigugma. Mao nay pinakasakit sa tanan ilabi na nga minyo mong duha. Mas kusog magselos kay mga babaye kay kami mga babaye ang grabe nga maapektuhan di lalim masakitan di lalim biyaan ug di lalim ilisan.

Makk Rosalita

Kasagaran sa hinungdan nga magselos ming mga lalake basta ang girlfriend nako kay naay ka- chat or ka- text nga laing lalake sad nga dili nako kaila. Mas kusog magselos ang babae kay kung ang lake tagdon ra gani sa friend nga babaye, selos dayon.

Wella Daño – Erojo

Mas natural sa babaye ang magselos hilabi na og tagaan pud sa ilang partner og insecurities ang mga babaye parehas anang magkuyog mo unya mulingi pa jud sa laing babaye grabe kaayo makatutok kuwang na lang mukuyog.