Drug dens ipaguba ni Osmeña

Ipa-demolish ni Cebu City Mayor Tomas Osmeña ang abandonadong balay sa sityo Bato, barangay Ermita diin nag-pot session ug nag-repack sa shabu ang lima ka mga durogista nga nakaipsot sa police operation, apan nikalas sa kinabuhi sa bata. Ang mayor wa makauyon nga gihimong “lungga” ang maong balay sa mga drug addict nga mopalit og shabu sa maong barangay.

“I’m going to have that house demolished, that abandoned house. I’m warning the people there in Ermita, any house that is caught having a drug session, if you don’t produce your building permit, I will demolish the house,” bahad sa mayor.

Niulbo ang kasuko sa mayor human nakutlo pa ang kinabuhi ni Bladen Kyler Abatayo, 4, kansang pinuy-anan nahimutang tupad sa abandonadong balay.

Si Osmeña nagkanayon nga wa na gikinahanglan ang paglagda og ordinansa o executive order sanglit kon walay building permit ang usa ka balay, kini illegal structure.

Ang bahad sa mayor wa lang gitumong alang lang sa Barangay Ermita kon di apil usab niini ang laing 79 ka barangay nga sakop sa Cebu City.

“If it’s legal, a drug session in your house and your house has no building permit, I will demolish the house because there is no permit,” dugang sa mayor.

SUPORTADO NI ZAFRA

Pabor si Association of Barangay Councils president Phillip Zafra sa tinguha ni Osmeña sa pag-demolish sa mga balay nga mapamatud-an nga gigamit sa illegal drugs.