Compton mapasigarbuon sa iyang mga batos
Mapasigarbuon si coach Alex Compton sa iyang ginsakupan sa Alaska Aces gumikan kay taliwala sa mga kahasol nga ilang naagian, nakamaneho gihapon sila pagsulod sa semi-finals sa sa PBA Commissioner’s Cup pinaagi sa pagbuntog sa Magnolia Hotshots, 89-78, niadtong Martes. Mao kini ang labing unang higayon nga nakataak pagbalik sa semis ang Alaska sa miaging duha ka mga tuig. “I’m so proud of my team,” matod ni Compton sa interbyu sa Spin.ph. Ang biyahe sa Aces paingon sa semis dili lalim gumikan kay naahat ang team pagpahamtang og indefinite suspension sa usa ilang mga pambato nga si Calvin Abueva. Nadunggaban sab si Jeron Teng unya kalit lang mibiya ang ilang import nga si Antonio Campbell sa ulahing bahin sa elimination round. Bisan ning tanan, nahimo gihapong No.2 squad sa Aces.