LIKAY SA OUANO AVE.
TEAM MIPASIDAAN SA PUBLIKO, MIHIMO OG TRAFFIC PLAN
Nipahimangno ang opisyal sa Traffic Enforcement Agency of Mandaue (TEAM) sa publiko nga likayan una ang pag-agi sa Ouano Avenue kon moadto sa dakbayan sa Sugbo. Kini aron malikayan ang grabeng huot sa trapik sa maong dapit.
Matod ni Glenn Antigua nga problemado karon ang Ouano Avenue tungod sa pag-ayo sa maong dalan.
“As much as possible, molikay lang una sila sa Ouano Avenue. So diri lang sa sila sa MC Briones then Lopez Jaena
going to Cebu City,’ matod ni Antigua sa mga tigbalita.
Dugang niya nga laing mahimong kaagian sa mga motorista ang M. Logarta paingon sa dakbayan sa Sugbo.
“Molikay lang sa sila sa Ouano Avenue kay naa gyud tay problema sa Ouano Avenue,” dugang ni Antigua.
Niadtong Lunes, ang trapik sa Ouano Ave niabot paingon na sa dakbayan sa Lapu-Lapu human nga kalit nga gisirad-an sa kontraktor ang dalan paingon sa dakbayan sa Sugbo nga way igong koordinasyon sa TEAM.
Paambit ni Antigua nga nisamot ang trapik sayo ning semanaha human nga way
traffic plan nga gisumiter ang kontraktor sa TEAM ug nidiretso sa pagsira sa dalan.
Tungod niini, nihimo og kaugalingon traffic plan si Antigua diin gitunga niini ang four-lane nga dalan sa Ouano avenue nga nahuman na sa kontraktor.
“Ang pikas side nga nahuman na, tungaon nato then ang
two lanes (ang going to Mandaue and Cebu City) kay four lanes man na siya. Then pagabot sa Cebu City, paglabang, nananghid pud ang DPWH sa CITOM nga mag-open ta og
portion sa ilang center island before maabot sa intersection sa Cebu International Port para makagawas ang mga sakyanan from Mandaue,” pasabot ni Antigua.
Dugang niya nga nipasalig hinuon ang kontraktor kanila nga mahuman ang pag-ayo ang Ouano Avenue sud lang sa duha ka mga buwan ug aron nga kini magamit dayon sa publiko ilabi na nga nagsingabot na ang Ironman intertional sporting event sunod buwan. /