KABANGIS MAHIBALIK
Mahibalik ang kanhi kabangis ni Filipino boxing icon Manny Pacquiao inig saka niini sa ring karong Dominggo aron suwayan pag-ilog ang korona ni World Boxing Association (WBA) welterweight king Argentine Lucas Matthysse sa Axiata Arena sa Kuala Lumpur, Malaysia.
Mao kini ang gipaneguro sa Australian conditioning coach sa Pambansang Kamao ng Pilipinas nga si Justine Fortune.
Gipasabot ni Fortune nga sa pangidaron ni Pacquiao, kinsa mag-40 anyos karong Disyembre, aduna sila’y gipang-usab sa training niini ug ang resulta – mibalik ang kaabtik ug kusog.
‘He’s a freak,’ paghulagway ni Fortune sa kanhi 8-division world champion kon hisgutan ang training.
“Manny’s 40 this year and you know we changed things up this time. We did a whole bunch of different work. We were shocking his system back into working.” Nagtuo si Fortune nga sa labing ulahing ni Pacquiao diin napilde kini pinaagi sa unanimous decision batok kang Australian Jeff Horn niadtong Hulyo 2, nasobrahan kini sa training hinungdan sa kapakyasan niini. “He’s been doing the same stuff for 16 years so he probably gets so used to it. But now it’s a different style of training -- shorter, faster and more intense. So his body reacts differently. So that’s why he looks like the old Pacquiao,” matod ni Fortune.
Ang mga gipangbatbat ni Fortune dili maayo alang sa pandungog ni Matthysse, kin-
sa nipalukapa og 36 sa iyang 39 ka mga nakontra.
Si Pacquiao katapusang nakapaundang og kontra niadto pang 2009 diin mirehistro kini og 12th round TKO nga kadaugan batok kang Puerto Rican star Miguel Cotto.
“He overtrained for Jeff Horn, for sure, 100 percent. He’s just stubborn sometimes. He learnt his lesson. All I had to do was sit down and say to him: remember last year,” asoy ni Fortune.
“We don’t want to overtrain. This guy Matthysse is a lot better than Jeff Horn, he punches a lot harder. He’s a better fighter. He’s much more dangerous.”
Ning higayuna nga nihaom na ang training ni Pacquiao sa iyang pangidaron, malaumon si Fortune nga mahibalik ang fighting senator sa naandang gimbuhaton niini kaniadto: mang-knockout og mga kontra.
Kabahin sa timbang, wala’y nakitang problema si Fortune.
“He’s the only fighter I know that has to eat to make weight. He could make 135 pounds inside of four weeks. His metabolism is ridiculous. I don’t know what it is.
He’s a freak,” dugang ni Fortune. Ang kampo ni Matthysse wala sab magpabitin kon pagsalig sa ilang boksidor ang hisgutan.
Gani, gipanumpa sa manager ni Matthysse nga si Mario Acano nga inig ka human sa away, makadesisyon nang moretiro si Pacquiao.
“As I told you during the press conference two months ago, this fight’s gonna be a war. It will,” asoy ni Acano.
“We prepared Lucas to make war. He’s ready to retire Pacquiao, as he promised.”
Giklaro ni Acano nga grabe ka andam ang iyang batos sa pagtuman ning maong dakong tahas.,