PINOY BOXERS MIHAROS
KABANGIS NI PACMAN MIBALIK, MATTHYSSE 'TKO' SA 7TH ROUND
Gipamatud-an ni Senator Manny Pacquiao nga wala pa siya molaos sa kalibutan sa boksing diin siya nahimong bantugan sa tibuok kalibutan.
Pinaagi sa iyang one-two punch combination sa 7th round, iyang gi-knockout si Argentinian Lucas Matthysse human naigo sa nagbagiyos nga kumo (uppercut) ang apapangig sa defending champion.
Gumikan sa kakusog sa kumo ni Pacman, niluhod si Matthysse ug wala na nibarog human sa pag-ihap ni referee Kenny Bayless ug iyang nasakmit ang bakus sa WBA Welterweight.
Kini maoy labing unang kadaugan ni Pacquiao pinaagi sa knockout (KO) human iyang gitumba si Miguel Cotto niadtong tuig 2009 aron angkunon ang WBO Welterweight belt.
Sa wala pa gi-knockout ni Pacquiao si Matthysse, iya una kining gi-knockdown sa 3rd ug 5th round nga maoy nakapahudlat sa Argentinian boxer.
Ang kadaugan ni Pacquiao maoy nagpamatuod ug nagpahinumdom sa katawhan tibuok kalibutan nga sa edad nga 39 (40 karong December) mahimo pa siyang kampyon ug aduna pay ikabuga ang iyang lawas.
“I was surprised because Matthysse is a very tough opponent and I knocked him down,” Matod ni Pacquiao kinsa nia-- way nga wala si hall of famer coach Freddie Roach.
“So that’s a bonus from being focused and patient in the fight and working hard in training camp.” Dugang sa bag-ong champion sa WBA Welterweight.
Si Matthysse kansang record nahagsa sa 39-5 win-lose record human sa iyang kapildehan ngadto kang Pacquiao nidayeg bag-ong hari sa 147 pounds.
“He’s a great fighter. He’s a great champion. You win some, and you lose some. Today was my turn to lose, but I lost to a great fighter and a great legend in Manny Pacquiao” Paghulagway sa garbo sa Argentina.
Si Pacquiao (60-7-2, 38 Kos) wala nihatag og detalye sa iyang sunod nga mga plano kon mo-retiro na ba siya sa sports kansang record iyang gihuptan ( 8-division world champion) o mobalik siya og saka sa ring.
“That’s another story and another discussion. Right now I’m happy to go back to my country in the Philippines and to celebrate my victory and of course with my fellow countrymen, doing my job as a public servant.” Dugang sa senator-boxer.
Gikataho nga moabot ngadto sa $2.5 milyones ang gidawat ni Pacquiaosa maong away.
Samtang, nidaog usab ang laing upat ka Pinoy boxers nga sla si Jhack Tepora sa titulo sa WBA Interim World Featherweight, Jayar Inson, Vincent Astolabio ug Juan Miguel Elorde. Nangharos ang mga Pinoy sa Malaysia./