Syudad sa Sugbo di na luwas?

Namahayag si Cebu City Mayor Tomas Osmena nga di na luwas ang syudad sa Sugbo nunot sa sunodsunod nga mga kaso sa pagpatay. Ang mga kriminal di na mahadlok. “Killers are not scared anymore. They just run up to you,” matod pa ni Osmeña.

Gipaluyohan ni Osmena ang lakang ni Cebu City Police Office (CCPO) Director Royina Garma sa pag-deploy og dugang mga pulis sa kadalanan sa syudad.

“It’s a step in the right direction when she pulls out people in the headquarters and puts them in the field. That’s the force multiplier strate y. You put more people in the field and don’t let them sit in the precincts,” matod pa ni Osmena.

Samtang si PRO-7 Director Chief Supt. Debold Sinas nagtuo nga luwas gihapon ang syudad sa Sugbo. “I think Cebu is still a safe place. This happens because we are implementing the law. Taas ang cime incidence because gipangdakop na sila. Naa uban nga premeditated, giplanohan na sila,” matod pa ni Sinas.

Iyang gipasalig nga naningkamot ang CCPO ubos ni Garma sa pagkontrolar sa krimen sa syudad sa Sugbo. “The city director is all around, all stations are assisting sa iya. We can assure that police is addressing whatever is the concern,” matod pa ni Sinas.

Kini bisan pa sa kabalaka sa simbahan, matod pa ni Monsignor Joseph Tan, media liaison officer of the Cebu archdiocese, sa adlaw-adlaw nga mga kaso sa pagpatay, isa gani niini didto sa tugkaran sa residensiya ni Cebu Archbishop Jose Palma.

Apan si Garma nibahad ngadto sa mga durugista nga dili na sila luwas dinhi sa syudad sa Sugbo ug maayong mobiya na sila sa labing dali nga panahon. Kon gusto pa silang magpuyo nga malinawon, undangon na nila ang pagpamali ya’g drugas, matod pa niya.

Kay di na man sila luwas sa syudad sa Sugbo, papangitaon na lang silag dapit nga modawat sa mga drug pushers ug mga drug users.

Matod pa ni Garma, luwas pa ang syudad sa Sugbo sa mga tarong nga mga tawo apan peligro sa mga kriminal.