7 MONEY TIPS ALANG SA MINYO
Ang pag-budget, usa sa lisod buhaton kon single. Apan mas lisod kini kon minyo naka. Kon minyo naman gud ka, tanan nimong assets, mamahimong conjugated o ipon na sa imong kaminyo.
Ang aspeto sa pinansiya mao ang usa sa labing angay hisgutan ug sabutan alang sa kaminyuon ug sa pamilya.
Sa kaadunahan o sa kalisod? Or for better or worse?
Ania ang 7 ka tips kon unsa pag-manage sa kwarta sa mga minyo:
1. Respetari ang tagsa-tagsa ka personalidad sa kwarta
Aduna’y dakong tsansa nga lahilahi mo sa pagkupot sa kwarta, aduna’y mas maayo kaysa sa usa. Naay usa strikto, naa say usa nga nagmatikod ra. Ayaw kasuya ini, apan suwayi nga makat-on mo sa tagsa-tagsa aron magkasinabot mo sa unsay maayo alang ninyong duha.
2. Ablihi permi ang komunikasyon sa usag-usa
Ablihi permi ang komunikasyon ninyon duha aron comfortable mo kon estoryaan ang kwarta. Siguradoa usab nga nagkasinabtanay mo sa dagan sa kwarta ug kon aduna’y utang ug unsa ang bayrunon. Kini aron makatabang usab ka kon dili na kaya sa imong pares.
3. Take note sa inyong goals isip magtiayon
Ganahan ba mo nga magtrabaho gihapon hangtod 60-anyos? O ganahan mo mag-negosyo? Gusto ba ninyo nga mo-retiro og sayo? Mamahimo kaha ni ninyong duha? Sutaa unsa inyong gusto. Konsulta og financial expert.
4. Share mo!
Kinsa ang mobayad ini, ug niana. Mas maayo nga tunga mo sa bayrunon. Mas maayo usab nga ipunon ang kwarta aron aduna’y magahin sa bayrunon.
5. Suportari ang tagsa-tagsa ka ups ug downs
Importante tuod ang kwarta apan ayaw kini himoa nga sentro sa inyong relasyon. Desisyon isip usa, bisan ug unsa ang mahitabo apan ayaw kalimte nga duha gihapon mo nga managlahi nga tawo. Maabot ang panahon nga down kaayo. Ang pag-atubang sa kwarta kinahanglan nga usa ka pamaagi aron magmalambuon ang relasyon.
6. Pahimusli ang inyong mga benepisyo
Hisguri ang tagsa ka mga benepisyo sa kompanya ug unsaon ninyo nga makapahimulos niini. Sagad sa health maintenance organization (HMO) sa Pilipinas aduna’y family packages, gamita kini. Pareho sa PhilHealth kon aduna’y maospital. Sutaa usab ang inyong benepisyo sa Government Services Insurance System (GSIS) o social Security System (SSS) mga mandato ubos sa Employees’ Compensation Program.
7. I-track inyong gasto
Siguradoa nga anaa gihapon mo sa budget. I-adjust imong gasto base sa inyong budget. Mamahimo nga magbuhat mo og kaugalingon nga systema niini aron mas dali mo makasuta sa unsaon pagpabilin nga anaa sa budget.