SMB NAKAUNA
Gipukan sa San Miguel Beermen ang Alaska Aces 92-79 atol sa ilang unag duwa sa best-of-five semifinal series sa PBA Commissioners Cup didto sa Mall of Asia Arena.
Gawas ni June Mar Fajardo, nipakita usab og maayong duwa ang ilang mga second stringer nga silang Kelly Nabong, Christian Standhardinger ug Arwind Santos aron aswaton ang SMB para sa ilang unang kadaugan.
Sa maong duwa, nalimitahan sa San Miguel ang labing sinaligan sa Aces nga si Vic Manuel ngadto sa 16 puntos nga maoy nagputol sa iyang 11 ka sunodsunod nga duwa diin siya nirehistro og tag kapin 20 puntos.
Ang SMB nipabuto og 10-2 run sa tungatungang bahin sa second quarter sa wala pa sila niarangkada og laing 7 ka sunodsunod nga puntos sa
3rd quarter aron siguraduhon ang ilang kadaugan.
Si Coach Leo Austria sa SMB nihulagway nga sa matag duwa hilabi na sa series, labing importante nga modaog ang usa ka team sa game one.
Sama sa gipaabot, gipangulohan ni Fajardo ang SMB pinaagi sa iyang 17 puntos ug 9 ka rebounds samtang niabag og 15 puntos si Alex Cabagnot ug ang ilang import nga si Renaldo Balkman igo lang nitampo og 13 puntos ug 11 rebounds ug laing 11 puntos gikan ni Nabong.
Si Diamond Simpson, ang import sa Aces nirehistro og 31 puntos ug 24 ka rebounds samtang nagpadayon nga niduwa ang mga batos ni Coach Alex Compton nga wala ang ilang star nga si Calvin Abueva ug pointguard nga si Chris Banchero gumikan sa emergency sa pamilya.
Si Compton nga kon gusto silang modaog sa SMB karong adlaw nga Lunes atol sa game 2, kinahanglan nila ang pagsunod sa ilang game plan.
Ila usab tinguha nga limitahan si Fajardo kinsa maoy nagdiktar sa opensa ug depensa sa